व्यापारी संकुलाचे छत धारूरात कोसळले

धारूर : पालिकेच्या वतीने सुरू असलेल्या व्यापारी संकुलाच्या बांधकामादरम्यान छत कोसळले़ सुदैवाने यात जीवितहानी झाली नाही़ परंतु या कामाच्या दर्जाबाबत प्रश्नचिन्ह उपस्थित होऊ लागले आहे़गजानन शॉपिंग कॉम्प्लेक्समध्ये चौथ्या मजल्यावरील १६ गाळ्यांचे बांधमकाम सध्या सुरू आहे़ शुक्रवारी स्लॅबचे काम केले होते़ मात्र दुसऱ्याच दिवशी एका गाळ्यातील स्लॅबचा लगदा गळून पडला़ या कामावर थेट नगर रचनाकार यांचे नियंत्रण आहे़ मात्र असे असतानाही तिसऱ्याच दिवशी स्लॅब ढासळला कसा ? असा सवाल रायुकाँचे तालुकाध्यक्ष नितीन शिनगारे यांनी उपस्थित केला आहे़ या कामाची चौकशी झाली पाहिजे, अशी मागणी त्यांनी केली़कामामध्ये हलगर्जीपणा करणाऱ्यांवर कारवाईची मागणीही त्यांनी शनिवारी मुख्याधिकारी शेख सत्तार यांच्याकडे केली़काम थांबविलेदरम्यान, स्लॅब कोसळल्यानंतर मुख्याधिकारी शेख सत्तार यांनी शनिवारी दुपारी पालिका कर्मचारी पाठवून बांधकाम थांबविण्याच्या सूचना दिल्या़ बांधकाम दर्जेदारच होईल, या संदर्भात संबंधित कंत्राटदाराला योग्य त्या सूचना दिल्या जातील, असे सत्तार यांनी ‘लोकमत’ला सांगितले़ (वार्ताहर)