भर दिवसा दोन घरे फोडली

 जालना: जूना जालना भागात रविवारी भरदिवसा दोन वेगवेगळ्या ठिकाणी चोरट्यांनी दोन घरफोड्या करून ३२ हजारांचा ऐवज लंपास केला. दोन्ही चोर्‍या दुपारच्या वेळी झाल्याने पोलिसांपुढे चोरट्यांनी आव्हान उभे केले आहे. यातील पहिली चोरी नूतनवसाहत भागातील राममंदिर परिसरातील रहिवासी विनायक रामराव आचार्य यांच्या घरी झाली. त्यांचे आई व वडील राममंदिरात दर्शनासाठी गेले होते. घराला कुलूप पाहून दुपारी १२. ३० ते १ वाजेच्या सुमारास अज्ञात चोरट्यांनी त्यांच्या घराचे कुलूप तोडले. आत प्रवेश करून घरातील कपाट फोडून त्यातील रोख दहा हजार रूपये लंपास केले. दुसरी घटना हरीओम नगर भागात घडली. येथील शाम सदावर्ते हे बाहेर गावी गेलेले असल्याने घराला कुलूप होते. ते रविवारी दुपारी ३ ते ५ वाजेच्या सुमारास अज्ञात चोरट्यांनी तोडले व घरात प्रवेश करून कपाट फोडून त्यातील सोन्या-चांदीचे दागिने असा एकूण २२ हजारांचा माल लंपास केला . या दोन्ही चोर्‍या प्रकरणी कदीम जालना पोलिस ठाण्यात अज्ञात चोरट्यांविरूद्ध वेगवेगळे गुन्हे दाखल करण्यात आले आहे. दोन्ही चोर्‍यांचा तपास सपोनि भंडारे हे करीत आहे. (प्रतिनिधी)लग्न समारंभात नऊ वर्षीय बालिकेचा विनयभंगपरतूर : परतूर शहरात एका लग्न समारंभात नऊ वर्षीय बालिकेचा विनयभंग झाल्याची घटना घडली.सदर बालिकेने आरोपीस ओळखल्याने त्यास अटक करण्यात आली आहे. परतूर शहरातील मोंढा भागातील बालाजी मंदिरात २५ रोजी सकाळी १० च्या दरम्यान एक विवाह सोहळा होता. या समारंभासाठी आपल्या ९ वर्षीय मुलीसह एक दाम्पत्य जालना येथून आले हाते. त्यांची मुलगी बाथरूमला गेली असता अरोपी केदार रामलाल अग्रवाल (वय २२ वर्षे, रा. बालाजी नगर परतूर) याने तेथे तिचा विनयभंग केला. कोणास सांगू नको म्हणून तोंड दाबून गळा दाबला. याप्रकरणी मुलीच्या पित्याच्या फिर्यादीवरून परतूर पोलिसात आरोपीविरूध्द गुन्हा दाखल करण्यात आला आहे. पुढील तपास पोउपनि एम. बी. शेख हे करीत आहेत.