अपिल फेटाळले

परळी : वैद्यनाथ कारखान्याच्या संचालकपदाच्या निवडणुकीत अखेर मुंडे पिता-पुत्रांचे आव्हान संपुष्टात आले आहे. साखर सहसंचालकांनी शुक्रवारी निवडणूक निर्णय अधिकाऱ्यांचा निर्णय कायम ठेवला.
राकाँचे जेष्ठ नेते पंडितराव मुंडे आणि विरोधी पक्ष नेते धनंजय मुंडे या पितापुत्रांच्या उमेदवारीला भाजप पदाधिकाऱ्यांनी आक्षेप घेतला होता. जगमित्र नागा सुतगिरणीकडे असलेल्या थकबाकीचा मुद्दा उपस्थित केला होता. त्यानंतर धनंजय मुंडे यांनी साखर उपसंचालक आर. पी. सुरवसे यांच्याकडे अपिल दाखल केले होते. तेथेही त्यांची निराशा झाली.
दरम्यान, त्यांचे आव्हान संपुष्टात आले असले तरी पॅनलच्या माध्यमातून ते भाजपशी टक्कर देणार आहेत. (वार्ताहर)
वैद्यनाथ कारखान्याचे उपाध्यक्ष नामदेवराव आघाव यांनी सहकारी संस्था व नाथ्रा गटातून अर्ज भरला होता. सहकारी संस्थेतील अर्जावर आक्षेप होता.
४सुनावणीत सहकारी संस्थेतील अर्ज बाद झाला. मात्र, नाथ्रा गटातून त्यांना निवडणूक लढविता येणार आहे.