२ लाख ८० हजारांचा तंबाखूसाठा जप्त

खबऱ्याने माहिती दिल्यानंतर पोलीस निरीक्षक व्यंकटेश केंद्रे, उपनिरीक्षक दत्ता शेळके, हवालदार हारुण शेख, संजय गावंडे, सुनील जाधव, संतोष बमनावत , अर्जुन जिवडे , महिला कर्मचारी सुलताना, अन्न सुरक्षा अधिकारी प्रशांत अजिंठेकर, फरीद सिद्दिकी यांच्या पथकाने मंगळवारी दुपारी संशयित घरावर धाड टाकली. तेव्हा तेथे प्रतिबंधित सुगंधी तंबाखूचा साठा आढळून आला. तपासणीअंती या तंबाखूची किंमत २ लाख ८० हजार रुपये असल्याचे समोर आले.