भद्रावती : वेकोली माजरी क्षेत्राच्या राष्ट्रीय कोयला मजदूर संघ इंटकच्या वतीने इंटकचे भूतपूर्व महामंत्री तथा कोयला मजदूर संघाचे माजी राष्ट्रीय अध्यक्ष स्वर्गीय राजेंद्र प्रसाद सिंग यांना भद्रावती येथे सोमवारी प्रथम वर्षानिमित्त श्रद्धांजली वाहण्यात आली. राजेंद्र प्रसाद सिंग यांनी जवळपास पंचवीस वर्षांच्या कार्यकाळात कोळसा क्षेत्रातील कामगारांसाठी उल्लेखनीय कार्य करून अनेक कामगारांना न्याय दिला. त्यांच्या समस्या सोडविल्या. ते बिहार राज्यात सहा वेळा आमदार म्हणून निवडून आले होते, तर संयुक्त बिहार
राज्याच्या सरकारमध्ये त्यांनी महामंत्रिपदही भूषविले होते. आपल्या कुशल कार्यामुळे ते वेकोली कामगारांमध्ये चांगलेच लोकप्रिय होते. यावेळी माजरी क्षेत्र इंटकचे अध्यक्ष धनंजय गुंडावार, कार्याध्यक्ष संजय दुबे, सचिव परमानंद चौबे, दिलीप पारखी, अनिल सिंह, छगन चरडे, बळवंत चरडे, बळवंत बदकी, इंद्रजित सिंग, राम प्रकाश पोडे, ओमप्रकाश वैद्य, प्रवीण बोंडे, गोला कुमरिया उपस्थित होते