लसीकरणासाठी खासगी रुग्णालयांमध्येही ज्येष्ठ नागरिक पुढेच

चंद्रपूर : कोरोना विषाणूने संपूर्ण जनजीवन विस्कळीत केले आहे. या विषाणूपासून वाचण्यासाठी आता लसीकरणाचा पर्याय आहे. टप्प्याटप्प्याने ती नागरिकांना दिली जात आहे. पहिला आणि दुसरा टप्पा झाल्यानंतर तिसऱ्या टप्प्याला १ मार्चपासून सुरुवात झाली आहे. लसीकरण वाढविण्यासाठी आता केंद्रांचीही संख्या वाढविली जात आहे. दरम्यान, खासगी रुग्णालयांमध्येही ज्येष्ठ नागरिक लसीकरणासाठी पुढे येत असून, चांगल्या प्रकारे प्रतिसाद देत आहेत.

प्रधानमंत्री जन आरोग्य योजना, महात्मा फुले जन आरोग्य योजना आणि केंद्र शासनाच्या आरोग्य योजनेंतर्गत येणाऱ्या खासगी रुग्णालयांमध्येही लस उपलब्ध करून देण्यात आली आहे. लसीकरण लवकरात लवकर व्हावे, या उद्देशाने आणि शासकीय रग्णालयांमध्ये होणाऱ्या गर्दीमध्ये आपला नंबर लागेल की नाही, या शंकेतून ज्येष्ठ नागरिक खासगी रुग्णालयांमध्ये जाणून लसीकरण करून घेण्यास प्राधान्य देत आहेत. विशेष म्हणजे, ज्येष्ठ महिलाही मोठ्या प्रमाणात खासगी रुग्णालयांत जाऊन लसीकरण करून घेत आहेत.

बाॅक्स

एक पाऊल पुढे?

कोरोनाची लस घेण्यासाठी अनेक जण प्रतीक्षेत आहे. दरम्यान, पहिला, दुसरा आणि १ मार्चपासून तिसऱ्या टप्प्यातील लसीकरणाला सुरुवात झाली आहे. या लसीकरणामध्येही ज्येष्ठ नागरिक आघाडीवर असून, खासगी तसेच शासकीय रुग्णालयांमध्ये जाऊन ते लस घेत आहेत.

बाॅक्स

मी लस घेतली, तुम्ही..?

कोरोनाचा प्रादुर्भाव टाळण्यासाठी लस घेणे गरजेचे आहे. जगभरात नागरिक लसीकरणाची वाट बघत आहेत. भारतात ही लस उपलब्ध झाली असून ती सुरक्षित आहे. त्यामुळे प्रत्येकाने घेतल्यास कोरोनावर मात करणे शक्य होणार आहे. कोणतीही शंका मनात न ठेवता प्रत्येक ज्येष्ठांनी लस घ्यावी.

- अशोक बोकडे,

सेवानिवृत्त कर्मचारी, चंद्रपूर

कोट

कोरोनाची लस सुरक्षित आहे. ही खासगी तसेच शासकीय रुग्णालयांमध्ये उपलब्ध करून देण्यात आल्याने ज्येष्ठ नागरिकांना सोयीचे झाले आहे. लस घेताना कुठलाही त्रास होत नाही. सर्व ज्येष्ठ नागरिकांनी स्वत:हून पुढे येत लसीकरण करून घ्यावे.

- विजय वरगंटीवार,

चंद्रपूर

कोट

कोरोनाची लस सुरक्षित आहे. त्यामुळे प्रत्येकाने घेतली पाहिजे. ज्येष्ठ नागरिक स्वत:हून येत लस टोचून घेत आहेत. कुणीही अफवांवर विश्वास न ठेवता कोरोनाला हरविण्यासाठी आणि स्वत:च्या सुरक्षितेसाठी लस घ्यावी.

- डाॅ. विनोद मुसळे,

संचालक, मुसळे मल्टीस्पेशालिटी हॉस्पिटल, चंद्रपूर

बाॅक्स

आतापर्यंत जिल्ह्यात किती जणांनी लस घेतली?

५०,०१६

ज्येष्ठ नागरिक किती

००००

इतर किती

१४,७०७

चंद्रपूर :