Chandrapur Marathi News | चंद्रपूर मराठी बातम्या | Latest Chandrapur News in Marathi | चंद्रपूर ताज्या बातम्या | Chandrapur Crime Marathi News | चंद्रपूर ब्रेकिंग न्यूज़| Breaking & Live Chandrapur News | Chandrapur Local News Update| Today's Chandrapur News paper

Chandrapur Crime: चंद्रपूर जिल्ह्यातील राजुरा शहरातून एक हादरवणारी घटना समोर आली आहे. राजुरा येखील रमाबाई नगर परिसरात एका १७ वर्षीय अल्पवयीन मुलाने ५५ वर्षीय महिलेची हत्या केली. महिलेने आरोपी मुलाला उधारीवर सिगारेट देण्यास नकार दिला होती. त्यामुळे अल्पवयीन मुलाने कट रचून महिलेची हत्या केली. पोलिसांनी याप्रकरणी विधीसंघर्ष बालकाला संशयावरून रविवारी ताब्यात घेऊन कसून चौकशी केली. चौकशीदरम्यान, मुलाने सिगारेट उधारीवर न दिल्याने हत्या केल्याचे पोलिसांना सांगितले.राजुरा शहरातील रमाबाईनगर येथे सिगारेट उधारीवर न दिल्याच्या रागातून कविता रायपुरे (वय ५३) यांचा खून झाल्याचे समोर आलं आहे. १५ जून रोजी घडलेल्या या घटनेचा पाच दिवसांनी तपास उलगडत राजुरा पोलिसांनी अल्पवयीन आरोपीला ताब्यात घेतले आहे. कविता रायपुरे यांचे रमाबाईनगर येथे किराणा दुकान होते. घटनेच्या दिवशी एका अल्पवयीन मुलाने त्यांच्या दुकानात येऊन सिगारेट उधारीवर मागितली. त्यांनी पैसे नसल्यामुळे नकार दिला. याचा राग मनात ठेवून, त्या रात्री १२ ते १ दरम्यान घरात कुणी नसल्याची संधी साधत, आरोपीने घराच्या सुरक्षा भिंतीवरून उडी मारून आत प्रवेश केला आणि धारदार शस्त्राने वार करत कविता रायपुरे यांचा खून केला.घटनेच्या दिवशी कविता रायपुरे यांचा मुलगा हा सुरक्षा रक्षक असल्याने कामावर गेला होता. रविवारी सकाळी कविता यांची मुलगी ममता ही दुकानातील फ्रीजमधून दूध आणण्यासाठी आली होती. मात्र दुकान बंद असल्याचे आणि कंपाउंड गेटला टाळे असल्याने ममताने स्वतःच चावीने गेट उघडले. त्यानंतरही आईचा कोणताही प्रतिसाद न आल्याने ममताने खिडकीतून डोकाऊन पाहिले तेव्हा त्या बेडवर निपचित पडल्या होत्या. त्यामुळे ममताने तिच्या पतीला बोलवलं आणि दरवाजा उघडला. बेडरुममध्ये गेल्यानंतर ममताच्या पायाखालची जमीनच सरकली. घटनेची माहिती मिळताच पोलिसांनी घटनास्थळी धाव घेऊन कविता यांचा मृतदेह ताब्यात घेतला. पोलिसांनी तात्काळ आजूबाजूच्या परिसरातील सीसीटीव्ही फुटेजची तपासणी केली. यासोबत पोलिसांनी आजूबाजूच्या ४० ते ५० जणांची चौकशी देखील केली. मात्र काहीच पुरावा हाती लागला नाही. त्यानंतर पोलिसांना एका अल्पवयीन मुलाला कविता यांनी उधारीवर सिगारेट देण्यास नकार दिल्याची माहिती मिळाली. त्यामुळे पोलिसांनी त्याचा शोध सुरु केला. आरोपीच्या मोबाईल लोकेशनवरुन पोलिसांनी त्याचा शोध घेऊन त्याला ताब्यात घेतलं.कविता यांचा खून करण्यापूर्वी आरोपीने मोबाईलवरुन माहिती गोळा केली होती. त्यानंतर त्याने ब्राऊजिंग हिस्ट्री डिलिट केली आणि हुबळीला निघून गेला. मात्र पोलीस तांत्रिक पुराव्यांच्या आधारे आरोपीपर्यंत पोहोचले. पोलिसांनी अल्पवयीन आरोपीविरुद्ध कलम ३३२ (ब), १०३ (१) अंतर्गत गुन्हा दाखल केला आहे. अल्पवयीन आरोपीकडून घटनेत वापरण्यात आलेले हत्यार जप्त करण्यात आले आहे.

Chandrapur (Marathi News)

Chandrapur : नागपूर खंडपीठाच्या निर्णयाला सुप्रीम कोर्टाची स्थगिती; निमकर व बावणे रिंगणात परत ...

Chandrapur : कंपन्यांनी खर्च केलेल्या सीएसआर निधीचा आढावा घेण्यात आला. २०२५-२६ च्या नियोजनाबाबत चर्चा झाली. ...

अहवालातून निष्पन्न : फरार मुख्य आरोपीला अटक करण्याचे आव्हान ...

Chandrapur : जलसंधारण मंत्री संजय राठोड यांनी दिले सभागृहात उत्तर ...

केवळ चार जागांसाठी ८५० वर अर्ज : उच्च शिक्षण घेतलेले हात करणार साफसफाई ...

Chandrapur : राष्ट्रीय महामार्ग विभागाकडून या महामार्गाच्या आतापर्यंत सात निविदा प्रकाशित करण्यात आल्या ...

जिल्हा बँक निवडणूक : आता २३ उमेदवारांमध्ये सात जागांसाठी निवडणूक, गोंडपिपरीत उमेदवारच नाही ...

Chandrapur : आंदोलन, प्रवेशबंदी व सुरक्षेच्या कारणावरून व्यवस्थापनाचा निर्णय ...

अंतिम निकालाकडे सहकार क्षेत्राचे लक्ष : १० जुलैला होणार संचालकपदांसाठी मतदान ...

चंद्रपुरात उधारीवर सिगारेट न दिल्याच्या रागातून एका अल्पवयीन मुलाने ५५ वर्षीय महिलेची निर्घृणपणे हत्या केली. ...