Chandrapur Marathi News | चंद्रपूर मराठी बातम्या | Latest Chandrapur News in Marathi | चंद्रपूर ताज्या बातम्या | Chandrapur Crime Marathi News | चंद्रपूर ब्रेकिंग न्यूज़| Breaking & Live Chandrapur News | Chandrapur Local News Update| Today's Chandrapur News paper

पाच जिल्ह्यांच्या पथकांची कारवाई : पाच जणांना अटक, १४ गुन्हे दाखलचंद्रपूर : राज्य उत्पादन शुल्क विभागाच्या वतीने चंद्रपूर जिल्ह्यात ठिकठिकाणी अवैध दारूविक्रीवर धाडी टाकण्यात आल्या. विविध तालुक्यात केलेल्या या कारवाईत ५ आरोपींना अटक करण्यात आली असून १४ गुन्हे दाखल करण्यात आले आहे.उत्पादन शुल्क विभागाच्या आयुक्त व्ही. राधा, उपायुक्त प्रदिप पवार तसेच नागपूर विभागाच्या उपायुक्त उषा वर्मा यांच्या आदेशावरून स्थानिक राज्य उत्पादन शुल्क विभागाने ही कारवाई केली. या कारवाईत राज्य उत्पादन शुल्क चंद्रपूरच्या पथकासोबतच यवतमाळ तसेच वर्धा, भंडारा, नागपूर येथील भरारी पथकासह बी डिव्हीजन नागपूरच्या पथकाचा समावेश होता. जिल्ह्यात ठिकठिकाणी टाकण्यात आलेल्या या धाडीत मोठ्या प्रमाणावर अवैध दारूसह मुद्देमाल जप्त करण्यात आला.सदर धाडसत्र राजूरा, देवलगुडा, जिवती, जलनगर, चंद्रपूर शहर, दुगार्पूर, घंटाचौकी, बंगाली कॅम्प तसेच भद्रावती तालुक्यातील बंराजतांडा, चिमूर, नेरी, नवरगाव, नागभीड, सिंदेवाही, ब्रम्हपुरी यासोबतच बल्लारपूर, पोंभूर्णा, गोंडपिंपरी, कोठारी या ठिकाणी टाकण्यात आले. अटक करण्यात आलेल्या आरोपींकडून ६८ हजाराचा मुद्देमाल जप्त करण्यात आला. जप्त करण्यात आलेल्या मद्यांमध्ये ११३० लिटरचा मोहासडवा, २० लिटर हातभट्टी दारू, ५० लिटर देशी दारू, १२ लिटर विदेशी दारू तसेच १३ लिटर विदेशी दारू जप्त करण्यात आली.सदर कारवाई राज्य उत्पादन शुल्कचे अधीक्षक पराग नवलकर यांच्या नेतृत्वात करण्यात आली. या कारवाईत भंडारा येथील अधीक्षक सुरेंद्र मनपिया, गडचिरोली जिल्ह्याचे अधीक्षक बाबू तडवी यांनी भाग घेतला होता.दारूविक्री होत असल्यास तक्रार करावी, तक्रारकर्त्याचे नाव गुप्त ठेवण्यात येईल, असे अधीक्षक पराग नवलकर यांनी कळविले आहे. (स्थानिक प्रतिनिधी)वरोरा शहरातील हॉटेलवर धाडवरोरा : चंद्रपूर येथील विशेष पथकाने वरोरा शहरातील रुख्मीनी हॉटेलवर धाड टाकून हॉटेल मधील सहा लाख ७६ हजार ८०० रुपयाची विदेशी दारू जप्त केली व दोन व्यक्तींना अटक केली आहे. वरोरा शहरातील रेल्वेस्टेशन रस्त्यालगतच्या रुख्मीनी या हॉटेलवर गुरूवारी दुपारी चंद्रपूर येथील पोलिसांच्या विशेष पथकाने धाड टाकून हाटेलची तपासणी केली असता हॉटेलमध्ये ६ लाख ७६ हजार ८०० रुपयाची विदेशी दारू आढळून आली. ही दारू जप्त करण्यात आली असून यामध्ये अमोल प्रभाकर किन्हेकर (२२) व विकास भाऊराव नन्नावरे (३६) रा. इंदिरानगर वरोरा यांना अटक केली. त्यांच्यावर मुंबई दारूबंदी कायद्यानुसार गुन्हा दाखल करण्यात आला आहे. सदर कारवाई चंद्रपूर येथील पोलीस विशेष पथकाने केल्याने अवैध दारू विक्रेत्यांमध्ये मोठी खळबळ उडाली आहे. शहरात गेल्या काही दिवसांपासून अवैध दारूविक्री मोठ्या प्रमाणात वाढली आहे.

Chandrapur (Marathi News)

टफ युनिव्हर्सिटी युएस, युनिसेफ व निरी नागपूरची चमू चंद्रपूर जिल्ह्याच्या दौऱ्यावर आली आहे. ...

कर्मचाऱ्यांमध्ये कल्पना, आपण ज्या कार्यालयात काम करतो, तो परिसर देखणा सुंदर असावा, याकरिता त्यांची आवड व धडपड ...

महाराष्ट्र-आंध्र सीमेवरील लक्कडकोट परिसरातील शेतकऱ्यांच्या बकऱ्यांवर पावसाळ्यातील साथरोगाचा प्रादूर्भाव ...

राज्य उत्पादन शुल्क विभागाच्या वतीने चंद्रपूर जिल्ह्यात ठिकठिकाणी अवैध दारूविक्रीवर धाडी टाकण्यात आल्या. ...