Chandrapur News | Latest Chandrapur News in Marathi | Chandrapur Local News Updates | ताज्यबातम्या चंद्रपूर | चंद्रपूर समाचार | Chandrapur Newspaper

चिमूर पोलिसांच्या सायबर शाखेची कारवाईचिमूर : चिमूर पोलीस ठाण्यांतर्गत येणाऱ्या उरकूडपार गावाशेजारी एका प्रेमप्रकरणातून मनोज जुमनाके यांचा कट रचून २५ डिसेंबर २०१६ रोजी खून करण्यात आला. यामधील दोन आरोपींना अटक करण्यात चिमूर पोलिसांना यश आले होते. मात्र या खुनातील तिसरा आरोपी शाबीर मोहम्मद रसुल शेख (३३) फरार होता. चिमूर पोलिसांची टीम या तिसऱ्या आरोपीचा कसून शोध घेत होती. अखेर सायबर शाखा चंद्रपूरच्या मार्फतीने ‘कॅफ’ने या खुनातील तिसऱ्या आरोपीच्या मुसक्या आवळून २० मार्च २०१७ ला नाहरगड (राजस्थान) येथून अटक केली आहे.चिमूर पोलीस ठाण्याअंतर्गत येणाऱ्या उरकुडपार येथील रहिवासी प्रज्ञा संघप्रिय गेडाम व मनोज जुमनाके रा. पिंपळनेरी (पेठ) यांचे प्रेम संबंध होते. यातूनच दोघात वाद झाला. या वादाचे पर्यावसान मनोज जुमनाके यांच्या खुनात झाले. मृत मनोज जुमनाके यांच्या खुनाच्या कटात आरोपी प्रेयसी प्रज्ञा गेडाम, भाऊ सिद्धार्थ बालाजी लोखंडे व तिसरा आरोपी शाबीर शेख यांचा समावेश होता.मनोज जुमनाके यांना रात्री उरकुडपार येथे बोलावून २५ डिसेंबर २०१७ ला तीनही आरोपींनी मिळून कट रचून मनोजचा खून केला. या कटातील तिसरा आरोपी शाबीर मोहम्मद शेख ३३) रा. नाहरगड ता. कीशनगंज जि. बारा (राजस्थान) याचा काहीच पत्ता नसल्याने या आरोपीचा शोध घेताना चिमूर पोलिसांना मोठी कसरत करावी लागली. मात्र त्याच्याकडे असलेल्या मोबाईल सीमसाठी जोडण्यात आलेल्या पुराव्यानुसार (कस्टमर अप्लीकेशन फार्म) ‘कॅफ’ वरील माहितीच्या आधारे चिमूर पोलिसांनी सायबर गुन्हे शाखा चंद्रपूर यांच्या मदतीने ठाणेदार दिनेश लबडे यांच्या मार्गदर्शनात पोलीस उपनिरीक्षक मनोज ताले, देविदास रणदिवे, कुणाल राठोेड या पथकाने राजस्थान गाठून आरोपी शाबीर शेख याला राजस्थान येथून २० मार्चला अटक केली व कारागृहात रवानगी केली आहे. या कारवाईने चिमूर पोलिसांचे नागरिकांकडून व वरिष्ठ अधिकाऱ्याकडून कौतुक केले जात आहे. (तालुका प्रतिनिधी)

Chandrapur (Marathi News)

वेकोलि व्यवस्थापनाने सिनाळा वाढीव प्रकल्पासाठी चार गावातील २६३ शेतकऱ्यांची ६४२ एकर जमीन अधिग्रहित केली. ...

भाजपा सरकार सत्तेवर आल्यापासून मागील दोन वर्षाच्या काळात शेतकरी आत्महत्येचे प्रमाण दिवसेंदिवस वाढत आहे. ...

डॉक्टर व आरोग्य कर्मचाऱ्यांनी ग्रामीण भागातील नागरिकांना योग्य आरोग्य सेवा देण्यास तत्पर असावे. ...

गडचांदूरपासून अवघ्या ४ किमी अंतरावर असलेले हरदोना (खुर्द) हे गाव सध्या राजुरा पो.स्टे. अंतर्गत असल्याने .... ...

उपजिल्हा रुग्णालय वरोरा येथे सर्वत्र घाणीचे साम्राज्य पसरले आहे. तसेच या रुग्णालयात अनेक सुविधांचा अभाव आहे. ...

बलशाही समाज व देश घडविण्यासाठी शिक्षणाची गरज ओळखून शासनाने अनके महाविद्यालये काढून शिक्षणास प्राधान्य दिले. ...