Chandrapur News | Latest Chandrapur News in Marathi | Chandrapur Local News Updates | ताज्या बातम्या चंद्रपूर | चंद्रपूर समाचार | Chandrapur Newspaper

चंद्रपूर : प्रधानमंत्री पथविक्रेते आत्मनिर्भर निधी योजना अंतर्गत चंद्रपूर महानगरपालिकेमार्फत दिल्या जाणाऱ्या १० हजार रुपये कर्जाचा लाभ आतापर्यंत ५०२० पथविक्रेत्यांनी घेतला आहे. योजनेच्या यशस्वीतेसाठी अधिकाधिक कर्ज प्रकरणे मंजूर करणाऱ्या विविध बँकांचा गौरवपत्र देऊन आयुक्त विपीन पालीवाल यांच्या हस्ते सत्कार करण्यात आला.पीएम स्वनिधी योजनेत सर्व बँकांकडे एकूण ९ हजार ७०९ अर्ज प्राप्त झाले होते. यातील ७ हजार ४१९ अर्जधारक पात्र ठरले. यातील ५ हजार २० अर्जधारकांना कर्ज देण्यात आले आहे.पथविक्रेत्यांनी केलेल्या अर्जाची छाननी करून विहित मुदतीत अर्ज निकाली काढणाऱ्या व ७० टक्क्यांहून अधिक प्रकरणे मंजूर करणाऱ्या बँक ऑफ बडोदा, बँक ऑफ इंडिया, सेंट्रल बँक ऑफ इंडिया, इंडियन ओव्हरसीस बँक, पीएनबी बँक, स्टेट बँक ऑफ इंडिया, यूको बँक व युनियन बँक ऑफ इंडिया या ११ बँकांना त्यांच्या कार्यासाठी गौरवपत्र देण्यात आले.चंद्रपूर महानगरपालिका येथे यासंदर्भात आयुक्त विपीन पालीवाल यांच्या मार्गदर्शनाखाली आढावा बैठक आयोजित करण्यात आली होती. मनपाच्या वतीने स्वनिधी से समृद्धी योजनेच्या प्रभावी अंमलबजावणीकरिता राष्ट्रीय नागरी उपजीविका अभियानासंदर्भात बैठक घेऊन पथविक्रेत्यांसाठी केंद्र शासनाद्वारे सुरू करण्यात आलेल्या विविध योजनांचा आढावा घेण्यात आला.आत्मनिर्भरतेसाठी योजनापथविक्रेत्यांना त्यांचा व्यवसाय सुरू करण्यासाठी खेळत्या भांडवलाचा पतपुरवठा तातडीने प्रदान करण्यासाठी शासनाकडून प्रधानमंत्री पथविक्रेते आत्मनिर्भर निधी योजना सुरू करण्यात आली आहे. योजनेअंतर्गत पथविक्रेत्यांना व्यवसायाकरिता एका वर्षासाठी विनातारण १० हजार रुपयांचे कर्ज राष्ट्रीयीकृत बँकामार्फत देण्यात येते. चंद्रपूर शहर महानगरपालिका अंतर्गत ही योजना कार्यान्वित असून या योजनेच्या लाभाकरिता ऑनलाइन अर्जप्रक्रिया सुरू आहे. सर्व पथविक्रेत्यांनी १० हजार रुपये कर्जासाठी अर्ज करण्याचे आवाहन चंद्रपूर महानगरपालिकेतर्फे करण्यात आले आहे. याप्रसंगी जिल्हा अग्रणी बँक प्रबंधक प्रशांत धोंगळे यांच्यासह इतर बँकेचे प्रबंधक, शहर अभियान व्यवस्थापक रफीक शेख, रोशनी तपासे, चिंतेश्वर मेश्राम, खडसे, लोणारे, मुन, करमरकर आदींची उपस्थिती होती.

Chandrapur (Marathi News)

चंद्रपूर जिल्ह्यात सोयाबीन पिकावर पिवळा मोझॅक नावाच्या रोगाचा प्रादुर्भाव झाला आहे. ...

सेवा सहकारी सोसायटीकडून घेतलं होतं ४० हजार रुपयांचे कर्ज ...

दिवसेंदिवस वाद वाढत गेल्याने त्याने उचलले टोकाचे पाऊल ...

तीन दिवसातील दुसरी कारवाई आहे. या कारवाईने अवैध शस्त्र बाळगणाऱ्याचे धाबे दणाणले आहे. ...

उन्हाळ्याच्या दिवसांमध्ये आंब्याच्या झाडाला मोहोर येऊन आंबे लागतात. ...

ओबीसी आंदोलन चिघळणार : ३० सप्टेंबरला ‘चंद्रपूर जिल्हा बंद’चे आवाहन ...

विद्यार्थ्यांनी वैज्ञानिक दृष्टिकोन समजून घेण्याचे आवाहन ...

पीएम स्वनिधी योजना : अंतर्गत उत्कृष्ट कामगिरी करणाऱ्यांचा सत्कार ...