मोकाट जनावरांचा त्रास वाढला

चंद्रपुरातील निर्जन स्थळे बनले जुगाराचे अड्डे

चंद्रपूर : शहरातील निर्जनस्थळी मोठ्या प्रमाणावर जुगार अड्डे भरविले जात असल्याचे चित्र आहे. सध्या काही शाळांना सुट्या लागल्याने शहरातील काही शाळांच्या मोकळ्या मैदानातही जुगार भरविल्या जात आहे. याकडे संबंधित पोलीस यंत्रणेचे दुर्लक्ष होत आहे.

महात्मा फुले पुतळ्याचे सौंदर्यीकरण करावे

चंद्रपूर : भिवापूर वॉर्ड हनुमान खिडकीजवळ राष्ट्रपिता महात्मा फुले यांचा पुतळा आहे. या पुतळ्याची दुरवस्था झाली असून याकडे कुणाचेही लक्ष नाही. त्यामुळे चंद्रपूर शहर मनपा प्रशासनाने या पुतळ्याच्या दुरूस्तीकडे लक्ष देऊन सौंदर्यीकरण करण्याची मागणी आहे.

गतिरोधक तयार करण्याची मागणी

टेमुर्डा : येथील रस्त्यांवर अपघाताची शक्यता वाढली आहे. या ठिकाणी तातडीने गतिरोधक तयार करावे, अशी मागणी केली जात आहे. परिसरातील मोठी बाजारपेठ येथे असल्याने नेहमी रस्त्यांवरून नागरिकांची वर्दळ असते. सध्या वाहनांची संख्याही वाढली आहे.

कोरपना येथे रेल्वे मार्ग तयार करावा

कोरपना : कोरपना ते कायरपर्यंत नवीन रेल्वेमार्गे तयार करण्यात यावा, अशी मागणी प्रवाशांकडून करण्यात येत आहे. औद्योगिक तालुका म्हणून कोरपना तालुक्यातील ओळख आहे. मात्र पाहिजे तसे रेल्वेचे जाळे अद्यापही तयार झाले नसल्याने अनेक समस्या आहे.

सिंचनाच्या सोयी उपलब्ध करून देण्याची मागणी

जिवती : जिवती तालुक्यात सिंचनाच्या सोयी उपलब्ध न झाल्याने तालुका अजूनही मागासलेला आहे. हा तालुका पूर्णत: शेतीवर अवलंबून असल्याने सिंचनाशिवाय विकास अशक्य आहे. तालुक्यात कोणत्याही प्रकारचे उद्योगधंदे नसल्याने बहुतांश जनता शेतीवरच आपला संसार चालवित आहे.