कंत्राटी कामगारांना किमान वेतनाची प्रतीक्षा

महानिर्मिती वीज कंपनीमध्ये स्थापत्य परीक्षक घटकअंतर्गत कार्यरत कंत्राटी कामगारांना महानिर्मिती कंपनीने किमान वेतन व इतर भत्ते लागू केले नाही. त्यामुळे किमान वेतन व भत्ते लागू करण्याच्या मागणीसाठी बहुजन कंत्राटी कामगार कृती समितीतर्फे जिल्हाधिकाऱ्यांना निवेदन देण्यात आले.

ठळक मुद्देजिल्हाधिकाऱ्यांना निवेदन : बहुजन कंत्राटी कामगार कृती समिती

लोकमत न्यूज नेटवर्क
चंद्रपूर : कंत्राटी कामगारांना किमान वेतन देण्याची अधिसूचना महाराष्ट्र शासन उद्योग व कामगार विभाग मंत्रालयाने काढली. मात्र चंद्रपूर महानिर्मिती वीज कंपनीमध्ये स्थापत्य परीक्षक घटकअंतर्गत कार्यरत कंत्राटी कामगारांना महानिर्मिती कंपनीने किमान वेतन व इतर भत्ते लागू केले नाही. त्यामुळे किमान वेतन व भत्ते लागू करण्याच्या मागणीसाठी बहुजन कंत्राटी कामगार कृती समितीतर्फे जिल्हाधिकाऱ्यांना निवेदन देण्यात आले.
महाराष्ट्र शासन उद्योग व कामगार विभाग मंत्रालय मुंबईतर्फे ३० नोव्हेंबर २०१९ रोजी काढलेल्या अध्यादेशात जुलै १९ ते डिसेंबर १९ या कालावधी करिता विशेष भत्त्याची रक्कम व किमान वेतन दर प्रसारित केले आहेत. त्यानुसार कंत्राटी कामगारांना विविध भत्ते लागू आहेत. परंतु, चंद्रपूर महानिर्मिती वीज कंपनीमध्ये स्थापत्य परीक्षक घटकअंतर्गत कार्यरत कंत्राटी कामगारांना महानिर्मिती कंपनीतर्फे अद्यापही कोणतेही भत्ते व किमान वेतन लागू केले नाही. त्यामुळे या कामगारांवर अन्याय होत आहे.
त्यामुळे कामगारांना शासनाने मंजूर केलेले किमान वेतन व इतर भत्ते लागू करावे, अशी मागणी बहुजन कामगार कृती समितीच्या शिष्टमंडळांनी जिल्हाधिकाºयांना दिलेल्या निवेदनातून केली आहे. यावेळी समितीचे अध्यक्ष सुधाकर तेलसे, अजाबराव सूर्यवंशी, शंकर तंबाखे, नरेश देवगडे, जालेंदर रायपुरे जनआधार अधिवक्ता संघाचे अ‍ॅड. विपीन रामटेके, अ‍ॅड. अतुल भांभोरे, अ‍ॅड. राहुल मेंढे, अ‍ॅड. मीनाक्षी भगत आदी उपस्थित होते.