राजकुमार चुनारकर ।लोकमत न्यूज नेटवर्कचिमूर : निवडणुकीची रणधुमाळी सुरू झाली असून ८ तारखेपासून प्रचाराचा धुराळा उडणार आहे. त्यासाठी कार्यकर्त्यांच्या नास्ता, जेवण तर मतदाराच्या बसण्याच्या व्यवस्थेचे ही दर निवडणूक आयोगाने निश्चित करून दिले आहेत. त्यामुळे नेत्यांसह कार्यकर्त्यांना सहा रुपये दराचा चहा प्यावा लागणार तर मतदारांना सहा रुपयाच्या खूर्चीवर बसावे लागणार आहे चहा-६ रुपये, कॉफी-१०, लस्सी, कोल्ड ड्रिंक ३० रु.,स्नॅक्स (प्रति प्लेट) २० रु., हे मेन्यूकार्ड हॉटेलचे नसून जिल्ह्यातील निवडणुकीसाठी जाहीर करण्यात आलेले दरपत्रक आहे. प्रत्येक गोष्टीसाठी उमेदवाराने किती खर्च करावा, याचे स्पष्ट निर्देश निवडणूक आयोगाने दिले आहेत.विधानसभा निवडणुकीतील प्रचाराचा ज्वर हळूहळू चढू लागला असतानाच उमेदवारांना खर्चाच्या बंधनाचेही भान ठेवावे लागत आहे. विधानसभा निवडणुकीसाठी उमेदवारास कमाल २८ लाख रुपये खर्च करण्याची मर्यादा निवडणूक आयोगाने आखून दिली आहे. राज्यात चंद्रपूर औद्योगिक जिल्हा म्हणून गणला जातो. या जिल्ह्यासाठी निवडणूक प्रचाराच्या अनुषंगाने किती खर्च करता येईल, हे जिल्हा निवडणूक कार्यालयाकडून स्पष्ट करण्यात आले आहे. त्यानुसार, बँड पार्टी दहा व्यक्ती पथक चार हजार रुपये, बँड पार्टी २० व्यक्ती दहा हजार इतका खर्च अपेक्षित आहे. छोटया टोप्यांसाठी १५ रुपये व गांधी टोपीसाठी २० रु. पक्षाचा गमचा ५० रु., स्टीकर सात रु., मुखवटा १५ रु. या दराने खरेदीची माहिती सादर करावी लागेल.वाहनचालकांना आठ तासांच्या डयुटीसाठी 500 रु. देणे अपेक्षित आहे. सुमो, टेम्पो, ट्रॅक्स असल्यास प्रत्येक दिवसासाठी इंधनासह १३०० रु.बिनाइंधन एक हजार रुपये भाडे, एसी इनोव्हा-तवेरासाठी १५०० रु., अवजड ट्रकसाठी डिझेलसह नऊ हजार, बिनाडिझेल सहा हजार रुपये प्रत्येक दिवसाला याप्रमाणे भाडे असेल.५० आसनी बससाठी आठ हजार इंधनासह तर सहा हजार बिनाइंधन, इंधनासह तीनचाकी आॅटोसाठी हजार रुपये व इंधनाविना ९०० रुपये, दुचाकीसाठी दोनशे रुपये भाडे निश्चित करण्यात आले आहे.लाऊडस्पिकरचेही भाडे ठरलेमाईक-लाऊडस्पिकर (एक माईक दोन स्पिकर) ७५० रुपये, प्रत्येक दिवसासाठी चार स्पिकर आणि दोन मायक्रोफोन चार हजार रुपये, व्हिडीओग्राफी कॅमेरा प्रत्येक दिवसासाठी दीड हजार रुपये आणि स्टेजवरील सायडिंग साठी १२०० रुपये दर आहे. या दराप्रमाणे बिल द्यावे लागेल.साधा हार ३० रुपयेप्रचारफेऱ्यांमध्ये फुलांसह गुच्छांचा होणारा वापर लक्षात घेऊन त्यासाठीही दर निश्चित केले आहेत. साध्या हारासाठी ३० रुपये, मध्यम हारासाठी २५ रुपये, मोठया हारासाठी ५० रूपये आहे. तर प्रचार करून भूक लागल्यावर जेवण, नास्त्यासाठीही दर निश्चित केले आहेत. व्हेज लंच, राईस प्लेट प्रत्येकी ९० रु., दुपार आणि रात्रीच्या जेवणासाठी वेगळे दर ठरविले आहेत. व्हेज थालीसाठी शंभर रु., नॉनव्हेज थालीसाठी २०० रु. असे हे दर आहेत.
maharashtra election 2019 ; मतदारांना बसण्यास सहा रुपयाची खुर्ची
By लोकमत न्यूज नेटवर्क | Published: October 07, 2019 6:00 AM
राजकुमार चुनारकर । लोकमत न्यूज नेटवर्क चिमूर : निवडणुकीची रणधुमाळी सुरू झाली असून ८ तारखेपासून प्रचाराचा धुराळा उडणार आहे. ...
ठळक मुद्देनिवडणुकीचे दर निश्चित : नेते बसणार ३०० रुपयांच्या सोफ्यावर