लालपेठ माना टेकडी भागात हिमालयीन गिधाड

माना टेकडी परिसरात खुली कोळसा खाण भागात एक मोठा पक्षी उडताना दिसला. लांडे लगेच या पक्ष्याचे छायाचित्र टिपले. हा गिधाड आगळावेगळा वाटल्याने त्यांनी वन्यजीव अभ्यासक दिनेश खाटे यांना छायाचित्र पाठवला. अभ्यासाअंती हा पक्षी हिमालयन गिधाड असल्याचे निष्पन्न झाले. हिमालयन गिधाड प्रामुख्याने हिमालयात आढळतो. गिधाड दिसायला मोठा असून हिमालयातील वजनाने जास्त असलेल्या पक्ष्यांमधील एक आहे. ६ किलो ते १२ किलो असल्याचा अंदाज लांडे यांनी वर्तविला.

लोकमत न्यूज नेटवर्क
चंद्रपूर : शहरातील लालपेठ माना टेकडी परिसरात पहिल्यांदाच हिमालयन गिधाड आढळल्याची माहिती वन्यप्रेमी पराग लांडे यांनी दिली.
माना टेकडी परिसरात खुली कोळसा खाण भागात एक मोठा पक्षी उडताना दिसला. लांडे लगेच या पक्ष्याचे छायाचित्र टिपले. हा गिधाड आगळावेगळा वाटल्याने त्यांनी वन्यजीव अभ्यासक दिनेश खाटे यांना छायाचित्र पाठवला. अभ्यासाअंती हा पक्षी हिमालयन गिधाड असल्याचे निष्पन्न झाले. हिमालयन गिधाड प्रामुख्याने हिमालयात आढळतो. गिधाड दिसायला मोठा असून हिमालयातील वजनाने जास्त असलेल्या पक्ष्यांमधील एक आहे. ६ किलो ते १२ किलो असल्याचा अंदाज लांडे यांनी वर्तविला.
पंखांची रूंदी ८ ते १० फूट आहे. मृत जनावर हे त्याचे खाद्य आहे. प्रजनन काळ हा जानेवारीत असतो. पंख खळबळीत अणुकुचीदार टोकासारखे असतात. पूर्ण वाढ झालेल्या हिमालयन गिधाडांचे डोके पिवळ्या रंगाच्या पंखाने पांघरलेले तर पूर्ण वाढ न झालेले पांढऱ्या रंगाचे असते. खालच्या बाजूचे पंख भुरकट तपकिरी तर काहींचे पूर्ण पांढरे असतात. पाय हे नरम कापसासारख्या पिसांनी भरलेले असते. पंजे राखाडी किंवा पांढरे असतात.
वरच्या पंखांवरती रेषा नसतात. शेपटीवरचे भुरकट तपकिरी असतात, पंखाच्या टोकाचे पिसे हे गडद तपकिरी असतात. हिमालय गिधाड हे गुजरात व महाराष्ट्र सोडून दक्षिण भारतातल्या केरळ, तामिळनाडू, आंध्र प्रदेश व कर्नाटक या राज्यामध्ये आढळल्याची माहिती पराग लांडे यांनी दिली.