स्मार्ट मोबाईल आता चैनीची वस्तू नाही तर सर्वसामान्यांची गरज बनली आहे. संवादाचे प्रमुख माध्यम म्हणून मोबाईलकडे बघितले जाते. कोरोनामुळे ऑनलाईन शिक्षणाला सुरुवात झाल्याने तसेच अनेक खासगी कंपनीतील कामे ऑनलाईन सुरू झाल्याने लहान-थोरांपासून मोठ्यापर्यंत सगळ्यांकडे स्मार्ट मोबाईल दिसून येतात. त्यामुळे मोबाईल चोरटेसुद्धा मोठ्या प्रमाणात सक्रिय झाले आहेत. विशेष म्हणजे हे चोरटे गर्दीचे ठिकाण गावातून संधी शोधून मोबाईल पळवत असतात चंद्रपुरात तर जबरीने मोबाईल पडविण्याच्या अनेक घटना उघडकीस आल्या आहेत.
सायबर पोलिसांकडे आलेल्या तक्रारीवरून सन २०१९ मध्ये दोन हजार ९७९ तर २०२० मध्ये १३४७ मोबाईल गहाड झाले आहेत. पोलिसांनी ऑनलाईन तपास करून ३० ते ४० टक्के मोबाईल शोधले आहेत. तक्रारदारांचे कागदपत्र तपासून मोबाईलचे वितरणही पोलीस विभागाने केले आहे.
बाॅक्स
७५६ मोबाईल शोधण्यात यश
मोबाईल चोरी झाल्यानंतर संपूर्ण कागदपत्रांच्या आधारे पोलीस स्टेशनमध्ये तक्रार केल्यानंतर हा तपास सायबर विभागाकडे जातो. तक्रार मिळताच पोलीस मोबाईल ट्रेस करत असतात. मोबाईल ट्रेस झाल्यानंतर पोलिसांना शोध लावणे शक्य होत असते. साधारण ३० ते ४० टक्के मोबाईल शोधण्यात पोलिसांना यश आले आहे. सन २०१९ मध्ये दोन हजार ९७९ पैकी १४८० तर सन २०२० मध्ये १३४७ पैकी ६५६ मोबाईल शोधण्यात पोलिसांना यश आले आहे.
बाॅक्स
५० टक्के मोबाईलचा शोध लागत नाही
मोबाईल चोरी केल्यानंतर संपूर्ण कागदपत्रांच्या आधारे पोलीस स्टेशनमध्ये तक्रार करणे गरजेचे असते; परंतु बहुतांश जणांकडे कागदपत्र नसल्याने तक्रार करत नाही तर बहुतेकांनी तक्रार केल्यानंतरही मोबाईल ट्रेस होत नसल्याचे कारण पोलिसांकडून सांगण्यात येते. त्यामुळे चोरी गेलेल्या ५० टक्के मोबाईलचा शोध लागत नसल्याचे वास्तव आहे.
मोबाइल चोरीला जाताच हे करा
मोबाईल चोरीला गेल्यानंतर तातडीने पोलीस ठाण्यात तक्रार करावी, तसेच मोबाईलमधील ई-मेल व इतर आजचे पासवर्ड बदलून घ्यावे, ऑनलाईन बँकिंग असल्यास त्वरित संबंधित बँकेला याची कल्पना द्यावी, खात्यातील व्यवहार बंद करावेत आपण वापरत असलेला मोबाईल क्रमांक ब्लॉक करावा जेणेकरून गैरवापर होणार नाही.
बाॅक्स
याठिकाणी सांभाळा मोबाईल
चंद्रपूर येथील बसस्थानक, रेल्वे स्थानक येथून मोठ्या प्रमाणात मोबाईल चोरी गेल्याची तक्रार आहेत. यासोबतच चंद्रपुरातील गोल बाजार, भाजी बाजार येथून मोबाईल चोरी गेल्याच्या तक्रारी आहेत तर बाबूपेठ येथून जबरीने मोबाईल पळविल्याचाही तक्रारी आहेत.
बॉक्स
मोबाईल हरविल्याची तक्रारी
सन हरविले सापडले
२०१९ २१७९ १४८०
२०२० १३४७ ७५६