अटकेच्या मागणीसाठी जिल्ह्यातील शाळा बंद

पिट्टीगुडा येथील खेमाजी नाईक माध्यमिक आश्रम शाळचे अधीक्षक पवार यांनी आत्महत्या केल्याने शिक्षण क्षेत्रात खळबळ उडाली. या आत्महत्येसाठी संस्थाचालक, समाज कल्याण विभागाचे सहाय्यक आयुक्त व मुख्याध्यापक जबाबदार असल्याचा आरोप करून विदर्भ माध्यमिक शिक्षक संघाचे सरकार्यवाह व जिल्हा शैक्षणिक संघटना समन्वय समिती सुधाकर अडबाले शाळा बंदचे आवाहन केले होते.

ठळक मुद्देअधीक्षक आत्महत्या प्रकरण : विविध शिक्षक संघटनांचा सहभाग

लोकमत न्यूज नेटवर्क
चंद्रपूर : जिवती तालुक्यातील पिट्टीगुडा येथील खेमाजी नाईक माध्यमिक आश्रम शाळचे अधीक्षक एस.एस.पवार यांनी व्यवस्थापन व अधिकाऱ्यांच्या जाचाला कंटाळून शाळेतच आत्महत्या केल्याचा आरोप करीत दोषींना अटक करण्याच्या मागणीसाठी राजुरा, चंद्रपूर, वरोरा, चिमूर, भद्रावती, नागभीड, ब्रह्मपुरी, मूल, सावली, बल्लारपूर तालुक्यात शाळा शुक्रवारी कडकडीत बंद ठेवण्यात आल्या. बंद दरम्यान कुठेही अनुचित घटना घडली नाही.
पिट्टीगुडा येथील खेमाजी नाईक माध्यमिक आश्रम शाळचे अधीक्षक पवार यांनी आत्महत्या केल्याने शिक्षण क्षेत्रात खळबळ उडाली. या आत्महत्येसाठी संस्थाचालक, समाज कल्याण विभागाचे सहाय्यक आयुक्त व मुख्याध्यापक जबाबदार असल्याचा आरोप करून विदर्भ माध्यमिक शिक्षक संघाचे सरकार्यवाह व जिल्हा शैक्षणिक संघटना समन्वय समिती सुधाकर अडबाले शाळा बंदचे आवाहन केले होते. या बंदला शुक्रवारी शाळांचा प्रचंड प्रतिसाद मिळाला. चंद्रपुरात विमाशि संघाचे सरकार्यवाह सुधाकर अडबाले यांच्या नेतृत्वात श्रीहरी शेंडे, लक्ष्मण धोबे, दिगंबर कुरेकार, प्रभाकर पारखी, रविंद्र बनपूरकर, अवधूत कोटेवार प्रा. अनिल डहाके, मराशिपचे रामदास गिरडकर, विज्युक्टाचे प्रा. खाडे, कॉस्ट्राईब मोरेश्वर बारसागडे, गणेश गेडाम आदींनी शाळा बंद आंदोलन केले. राजुरा तालुक्यातही शाळा बंद ठेवण्यात आल्या होत्या. समन्वय समितीच्या वतीने नायब तहसीलदार अमित बनसोडे यांनी निवेदन देण्यात आले. यावेळी शिष्टमंडळात समन्वय समितीचे पदाधिकारी केशव ठाकरे प्राचार्य संभाजी वारकड, मुख्याध्यापक देवराव निब्रड, केवाराम डांगे, प्राचार्य दुर्योधन, इंदिरा येवले, सुधाकर उईके, राजू डाहुले, आनंद चलाख, अविनाश पिंपळशेंडे, प्रमोद कोडलकर ,प्राध्यापक मनीष पोतनुरवार, प्राध्यापक पाचभाई, प्राध्यापक मून, विलास उमरे, सुभाष शेंडे, प्रभाकर शेरकी, प्रभाकर साळवे, हिंगाणे, उपस्थिती होती. या आंदोलनात जिल्हा मुख्याध्यापक संघ, विजूक्टा, विदर्भ माध्यमिक शिक्षक संघ,महाराष्ट्र राज्य शिक्षक परिषद, शिक्षक भारती, प्रजासत्ताक शिक्षक संघटना, शिक्षक शिक्षकेतर कर्मचारी संघटना, कास्ट्राईब शिक्षक शिक्षकेतर कर्मचारी संघटना यांचा सहभाग होता. गडचांदूर येथे सर्व खासगी आज दिवसभर बंद ठेवण्यात आल्या होत्या.