सिंदेवाही तालुकास्तरीय विद्यार्थी पुरस्काराचे वितरण

सिंदेवाही : बामसेफ, बहुजन विद्यार्थी संघटना, बहुजन समाज पार्टी तालुका सिंदेवाहीच्या वतीने तालुका स्तरीय विद्यार्थी पुरस्कार वितरण नगर पत्रकार संघाच्या कार्यालयात नुकतेच पार पडले.

अध्यक्षस्थानी बामसेफचे प्रा. भारत मेश्राम तर प्रमुख अतिथी म्हणून नगरसेवक प्रा. युनुस शेख, नगर पत्रकार संघाचे विलास धुळेवार, बहुजन समाज पार्टीचे नंदु खोब्रागडे, युवा सामाजिक ब्रिगेडचे अमोल निनावे आदी उपस्थित होते. यावेळी तालुकास्तरीय संविधान परीक्षेत अनुक्रमे प्रथम, द्वितीय व तृतीय क्रमांक भारत विद्यालय नवरगावचा विध्यार्थी संघर्ष चंद्रप्रकाश चहांदे, प्राजक्ता विद्यामंदिर सिंदेवाहीचा तेजस भुपेश पिसे, महात्मा फुले विद्यालय सिंदेवाहीची विद्यार्थ्यीनी वनश्री प्रभु रदंये, निबंध स्पर्धेत अनुक्रमे प्रथम, द्वितीय व तृतीय क्रमांक सर्वोदय कनिष्ठ महाविद्यालय सिंदेवाहीची विद्यार्थिनी सरोज संतोष लोखंडे, सर्वोदय कन्या विद्यालय सिंदेवाहीची केजुषा संतोष लोखंडे, सिताबाई शेंडे विद्यालय सिंदेवाहीची रूचिता प्रमोद भेंडाळ, प्रश्नमंजुषा स्पर्धेत प्रथम महात्मा फुले विद्यालय सिंदेवाहीचा हिमांशु रदंये, द्वितीय प्राजक्ता विद्यामंदिर सिंदेवाहीची दिशा बारिकराव खोब्रागडे तृतीय विश्वज्योती स्कूलची समता भारत मेश्राम, चित्रकला स्पर्धेत विश्वज्योती स्कूलची अवनी भारत मेश्राम, द्वितीय देवयानी स्कूल सिंदेवाहीची तनिष्का सुरेश खोब्रागडे, तृतीय यशराज इंग्लिश स्कूलचा वाजीद वहाब अली यांना सन्मानित करण्यात आले. प्रस्ताविक प्रा .भारत मेश्राम, संचालन संघर्ष चहांदे तर आभार बारिकराव खोब्रागडे यांनी मानले. यावेळी बामसेफचे इंजि. बाळू रत्नपारखी, डाॅ. विनय बंडावार, केंदप्रमुख मंदा उमरे, प्रा. युनूस शेख, अमोल निनावे, मिथून शेंडे आदी उपस्थित होते.