सरपंच व उपसरपंच पदाच्या निवडणुकीत भाजपा व काँग्रेसची बाजी

भद्रावती तालुक्यातील १४ ग्रामपंचायतींच्या सरपंच व उपसरपंच पदाच्या पार पडलेल्या निवडणुकीत भाजपा व काँग्रेसने बाजी मारल्याचे चित्र आहे. यापैकी सहा ठिकाणी भाजपा, चार ठिकाणी काँग्रेस, दोन ठिकाणी शिवसेना पक्षाचे सरपंच निवडून आले आहे.

विशेष म्हणजे पेवरा तू. ग्रामपंचायत येथे पती-पत्नी सरपंच व उपसरपंचपदी निवडून आले. अनिता भोगेकार यांची सरपंचपदी तर कवडू भोगेकार हे उपसरपंचपदी निवडून आले.

शिवसेनेचे वर्चस्व राहिलेल्या पिंपरी देशमुख ग्रामपंचायतीमध्ये सरपंचपदी अर्चना नांदे तर उपसरपंचपदी पंकज खंडाळे निवडून आले. चिरादेवी ग्रामपंचायतीवर शिवसेनेच्या निर्मला मेश्राम सरपंचपदी तर उपसरपंचपदी प्रदीप देवतळे निवडून आले. कडोली ग्रामपंचायतीवर काँग्रेसच्या शशिकला इंगोले सरपंचपदी तर शिवसेनेच्या माधुरी डुकरे उपसरपंचपदी निवडून आल्या. चोरा ग्रामपंचायत येथे भाजपच्या संगीता खिरडकर सरपंचपदी तर विलास जीवतोडे उपसरपंचपदी निवडून आले. डोंगरगाव खडी ग्रामपंचायतीवर भाजपचे मनिषा तुरांकर सरपंचपदी तर मुकेश आस्कर उपसरपंचपदी निवडून आले. कोंढेगाव ग्रामपंचायतीवर भाजपच्या शुभांगी चौखे सरपंचपदी तर उपसरपंचपदी रवींद्र घोडमारे निवडून आले. सेलोरी वाघेडा ग्रामपंचायतीवर भाजपच्या पौर्णिमा ढोक सरपंचपदी तर उपसरपंचपदी सुरेश तराळे निवडून आले .सागरा ग्रामपंचायतीवर नामनिर्देशन पत्र अपात्र असल्यामुळे सरपंच पद रिक्त राहिले तर उपसरपंचपदी शंकर रासेकर निवडून आले. चालबर्डी कोंडा ग्रामपंचायतीवर

भाजपाचे विजय खंगार सरपंचपदी तर उपसरपंचपदी कल्पना भुसारी निवडून आले . मनगाव ग्रामपंचायतीवर सुनील खामनकर सरपंचपदी तर विठ्ठल येरेकार उपसरपंचपदी निवडून आले. वायगाव तुकूम येथे काँग्रेसच्या भावना कुरेकर सरपंचपदी तर उपसरपंचपदी विनोद मडावी निवडून आले. पारोधी ग्रामपंचायतीवर काँग्रेसच्या कल्पना भोंगळे सरपंचपदी तर उपसरपंचपदी विकास गजबे निवडून आले. कोकेवाडा मानकर ग्रामपंचायतीवर काँग्रेसचे अनिल चौधरी सरपंचपदी तर उपसरपंचपदी प्रतिभा नन्नावरे निवडून आले.