देशातील नामवंत मंदिराला शोभेल असे महाकाली मंदिराचे सुशोभीकरण

देशातील नामवंत मंदिरांना शोभेल अशा पद्धतीचे माता महाकाली मंदिराचे सुशोभीकरण होणार आहे. यासाठी नागरिकांकडून सूचना मागविल्या आहेत. त्यांच्या सूचनेनुसार आराखड्यात बदल करण्यात येईल. सर्वाच्या मान्यतेचे हे मंदिर असेल, असे प्रतिपादन राज्याचे अर्थमंत्री तथा जिल्ह्याचे पालकमंत्री सुधीर मुनगंटीवार यांनी केले.

ठळक मुद्देसुधीर मुनगंटीवार : महाकाली मंदिराच्या विकास आराखड्याचे नागरिकांकडून स्वागत

लोकमत न्यूज नेटवर्कचंद्रपूर : देशातील नामवंत मंदिरांना शोभेल अशा पद्धतीचे माता महाकाली मंदिराचे सुशोभीकरण होणार आहे. यासाठी नागरिकांकडून सूचना मागविल्या आहेत. त्यांच्या सूचनेनुसार आराखड्यात बदल करण्यात येईल. सर्वाच्या मान्यतेचे हे मंदिर असेल, असे प्रतिपादन राज्याचे अर्थमंत्री तथा जिल्ह्याचे पालकमंत्री सुधीर मुनगंटीवार यांनी केले.एखाद्या वास्तू संदर्भात मनात आराखडे तयार करावे आणि ती कल्पनेपेक्षा प्रत्यक्षात अधिक आकर्षक दिसावी, अशा उस्फुर्त प्रतिक्रिया गुरुवारी चंद्रपूरवासीयांनी महाकाली मंदिराच्या विकास आराखड्याबद्दल व्यक्त केल्या. चंद्रपूरसह व विदर्भ मराठवाडयातील नागरिकांची अराध्यदैवत असणाऱ्या माता महाकालीच्या मंदिराच्या सुशोभीकरणाचा आराखडा गुरुवारी सायंकाळी राज्याचे वित्त नियोजन व वनमंत्री तथा जिल्ह्याचे पालकमंत्री सुधीर मुनगंटीवार यांनी जनतेच्या दरबारात मांडला. पुढील काही दिवसात या आराखड्यासंदर्भात जनतेच्या सूचना, मते मागविण्यात आले आहे.माता महाकाली देवस्थान विकास परिषदेच्या आयोजनात पुणे येथील एका प्रतिष्ठित संस्थेने तयार केलेल्या आराखड्याला सादर करण्यात आले. हा आराखडा बघण्यासाठी चंद्रपूर जिल्ह्यात व शहरातील सर्व नागरिकांना निमंत्रित करण्यात आले होते. यामध्ये विविध मंदिराचे ट्रस्टी तसेच विविध क्षेत्रातील मान्यवरांचा सहभाग होता. मूळ मंदिराच्या गाभ्याला कुठलाही हात न लावता मंदिराच्या परिसरात मोठ्या प्रमाणात बाजारपेठ तसेच भाविकांच्या राहण्याची उत्तम सोय करण्यात येणार आहे.मंदिर विकासात सर्वांचे मत जाणणारदेशविदेशात व देशातील अनेक पर्यटनस्थळाच्या विकासासाठी निधी देत असताना आपली स्वत:ची श्रद्धा असणाऱ्या महाकाली मंदिराच्या सुशोभीकरणाचा अनेक दिवसांचा प्रस्ताव मनात होता. त्यामुळे या परिसराचे सुशोभीकरण करताना मंदिराचे ट्रस्टी, या ठिकाणी असणारे दुकानदार व या परिसरातील नागरिक तसेच महाकाली मातेवर श्रद्धा असणाऱ्या भाविकांचे मत जाणून घ्यावे, यासाठी या सादरीकरणाचे हे आयोजन करण्यात आले, अशी माहिती ना. सुधीर मुनगंटीवार यांनी दिली.नागरिकांना तयार करण्यात आलेला आराखडा मान्य नसेल तर त्यांच्या सूचनेनुसार त्यामध्ये बदल करण्यात येईल. त्यांना हा आराखडाच नको असेल तर तो रद्द देखील करण्यात येईल. तथापि, या मंदिराचे सुशोभिकरण करताना येणाºया भाविकांनी शहराची सकारात्मक प्रतिमा सोबत घेऊन जावी. हा आपला यामागील उद्देश असून त्यामुळे अशा प्रकारच्या कामांमध्ये प्राविण्य असणाºया संस्थेला यासंदर्भातील आराखडा तयार करण्यास सांगण्यात आले. हा आराखडा सर्वच दृष्टीने दर्जेदार राहणार,असेही त्यांनी स्पष्ट केले.या कार्यक्रमाच्या व्यासपीठावर लेफ्टनंट जनरल राजेंद्र निंभोरकर, वनविकास महामंडळाचे अध्यक्ष चंदनसिंग चंदेल, आमदार नाना श्यामकुळे, जिल्हा परिषदेचे अध्यक्ष देवराव भोंगळे, महापौर अंजली घोटेकर उपस्थित होते.सर्वांच्या मान्यतेनेच अंतिम स्वरुपघरातील दुकानदारांनी आपल्या व्यवसायावर परिणाम होईल का किंवा त्यात काही बदल हवा असल्यास तेदेखील त्यांनी सुचवावे, असे ते म्हणाले. यावेळी नागरिकांसाठी सूचना पेटी ठेवण्यात आली होती. शहरातील अनेक नागरिकांनी लेखी सूचना यामध्ये टाकल्या. या सूचनांचा अभ्यास समिती करणार असून त्यानंतर या आराखड्याला सर्वांच्या मान्यतेने अंतिम स्वरूप देण्यात येणार आहे.