भारतमाता पूजन उत्सवाचे औचित्य साधून रविवारी श्रमिक पत्रकार भवनात भक्तिगीत गायन स्पर्धा घेण्यात आली. यामध्ये ६२ स्पर्धकांनी सहभाग घेतला. पुरस्कार वितरण ज्येष्ठ रंगकर्मी श्रीपाद प्रभाकर जोशी यांनी केले. यावेळी परीक्षक विद्या पुराणकर, सुरेश मसराम, अनिरुद्ध देशपांडे, संस्कार भारतीचे जिल्हाप्रमुख मंगेश देवूरकर उपस्थित होते. हा उपक्रम संस्कार भारतीचा वार्षिक उपक्रम म्हणून दरवर्षी साजरा करण्याचे जाहीर करण्यात आले. प्रमुख पाहुणे श्रीपाद जोशी यांनी गायकांना रियाजावर भर देण्याचे आवाहन केले. रियाजातून अनेक मोठी गायक मंडळी या देशात भूषण ठरले असल्याचे मत श्रीपाद जोशी यांनी व्यक्त केले. विद्या पुराणकर, सुरेश मसराम यांनीही मार्गदर्शन केले. स्पर्धेनंतर मंगेश देवूरकर, ॲड. भावना हस्तक, रश्मी हिवरे, अपर्णा घरोटे यांनी भक्तिगीते सादर केली. प्रास्ताविक अजय धवने, स्पर्धेचे संचालन रोहिणी निले, तर पुरस्कार वितरण समारंभाचे संचालन ॲड. क्षमा धर्मपुरीवार यांनी केले. आयोजनासाठी संगीत विभागप्रमुख प्रवीण ठगे, डॉ. राम भारत, संध्या विरमलवार, सुजित अकोटकर, राम कोडमलवार, लीलेश बरदाळकर, वर्षा चौबे, प्राजक्ता उपरकर आदींनी सहकार्य केले.
भक्तिगीत गायन स्पर्धेत आतशी पॉल प्रथम विजेती
By लोकमत न्यूज नेटवर्क | Updated: February 10, 2021 04:28 IST