तांत्रिक अडचणीत अडकला मोबदला

राष्ट्रीय महामार्ग चौपदरीकरणासाठी मोबादला म्हणून मिळालेली ३१ कोटींची रक्कम बँकेत जमा.

हनुमान जगताप / मलकापूर ( जि. बुलडाणा) : राष्ट्रीय महामार्ग ६ च्या चौपदरीकरण प्रकरणी मलकापूर शहराच्या अंर्तगत असंख्य लाभार्थी शेतकरी व व्यावसायीक मोबदल्याच्या रकमेच्या प्रतिक्षेत आहेत. त्यासाठीची ३१ कोटींची रक्कम बँकेत जमा असली तरी तांत्रीक अडचणीमुळे त्यापासून लाभार्थी वंचीत असल्याच दिसत असून व्यवहार थकल्याने अनेकांच्या अडचणी वाढल्या आहेत. राष्ट्रीय महामार्ग ६ च्या चौपदरीकरणासाठी सन २0१२ पासूनच भुसंपादनाची प्रक्रीया सुरु झाली. त्यासाठीची सुचना सन २0१३ मध्ये प्रसिध्द झाली. त्या अनुषंगाने लाभार्थी शेतकरी व व्यावसायीक प्रकल्पग्रस्तांना जानेवारी २0१४ मध्येच मोबदला मिळायला पाहिजे होता. मात्र भूसंपादन करताना त्यावेळी चुका झाल्याने मुक्ताईनगर, जळगाव खान्देश याखरेजी अमरावती विभागातील अकोला आदींच्या तुलनेत मोबदला देताना मलकापूर उपविभागावर अन्याय झाल्याची ओरड अजूनही कायम असल्याच प्रामुख्याने दिसत. म्हणूनच त्या विषयीची प्रसिध्दी होवून दिड वर्ष लोटल्यावरही मोबदला नसल्याने प्रकल्पग्रस्तात नाराजीचा सूर आहे. मार्गावरील अपघातांची संख्या पाहता महामार्गाचे चौपदरीकरण गरज आहे. त्यासाठी शासनाची भूमीका योग्य आहे. वृक्षकटाई होवून चौपदरी करणाची प्रक्रीया पुढे जात आहे. मात्र अशा परिस्थितीत प्रकल्पग्रस्तांना मोबदला न मिळाल्यास त्यात अडचणी येवू शकतात. शहर अखत्यारितील अनेक लाभार्थी शेतकरी व व्यावसायीक प्रकल्प्रगस्तांचे व्यवहार मोबदल्यामुळे अडकले आहेत.