नियोजन समिती निवडणुकीत भाजप आघाडीला चार जागा 

बुलडाणा : जिल्हा नियोजन समिती निवडणूक २0१७ चा निकाल  १0 ऑगस्ट रोजी जाहीर करण्यात आला असून, ९ पैकी काँग्रेस आघाडीला पाच तर भाजप आघाडीचा चार जागांवर विजय झाला.

ठळक मुद्देनऊ पैकी काँंग्रेस आघाडीला पाच, भाजप आघाडीला चार जागा नगराध्यक्ष गवळींची नियोजन समितीवर हॅट्ट्रीक 

बुलडाणा : जिल्हा नियोजन समिती निवडणूक २0१७ चा निकाल  १0 ऑगस्ट रोजी जाहीर करण्यात आला असून, ९ पैकी काँग्रेस आघाडीला पाच तर भाजप आघाडीचा चार जागांवर विजय झाला.
 या निवडणुकीची मतमोजणी तीन टेबलवर करण्यात आली. यावेळी निवडणूक निर्णय अधिकारी तथा प्र. अपर जिल्हाधिकारी राजेंद्र देशमुख, सहायक निवडणूक निर्णय अधिकारी तथा उपजिल्हाधिकारी (निवडणूक) प्रमोद देशमुख, तहसीलदार सुरेश बगळे, तहसीलदार शैलेश काळे, सहा. पुरवठा अधिकारी राहुल खंडारे, नायब तहसीलदार सुरेश मोरे आदी उपस्थित होते.  
 या निवडणुकीत नागरिकांचा मागास प्रवर्गातून बाबूराव अवचार पिं.काळे, ता. जळगाव जामोद, राम शंकरराव जाधव साखरखेर्डा ता. सिं.राजा, राजेंद्र सदाशिव पळसकर डोणगाव, ता. मेहकर, मधुकर गोपाळ वडोदे निमगाव, ता. नांदुरा, अनुसूचित जाती प्रवर्ग - रजनी अनिल जवरे नांदुरा, सर्वसाधारण महिला प्रवर्ग - अर्चना संतोष टाले खामगाव, सीमा कैलास डोबे जळगाव जामोद, सर्वसाधारण प्रवर्गातून कासम पिरू गवळी मेहकर, राजेंद्र वसंतराव वाडेकर शिवाजी नगर, मलकापूर यांचा विजय झाला आहे.  
   ग्रामीण मतदारसंघामध्ये निवडणुकीचा अविरोध निकाल लागला आहे. अनुसूचित जाती महिला प्रवर्गमधून सिंधु पंडितराव खंडारे, दुसरबिड ता. सिं.राजा, शीला घनशिराम शिंपणे मु. टाकरखेड वायाळ, पो डिग्रस बु., ता. दे.राजा, उषा पांडुरंग सावरकर लासुरा, ता. शेगाव, अनुसूचित जाती प्रवर्ग : महेंद्रकुमार श्रावण गवई आव्हा युनूसपूर, ता. मोताळा, सुनंदा हरिदास शिनगारे मिसाळवाडी, ता. चिखली, अनुसूचित जमाती प्रवर्गमधून डॉ. ज्योती शिवशंकर खेडेकर अंत्री खेडेकर, ता. चिखली, नागरिकांचा मागास प्रवर्ग (महिला) मधून स्वाती राजेंद्र देवचे माटरगाव, ता. शेगाव, मनिषा नितीन पवार हिवरा बु., ता. मेहकर, रेणुका दिलीप वाघ शिवणी, ता. लोणार, जयश्री सुनील शेळके शिवशंकर नगर, सुंदरखेड बुलडाणा, सर्वसाधारण महिला प्रवर्गातून सविता गणेश बाहेकर डोंगरखंडाळा, ता. बुलडाणा, कमल जालींदर बुधवत मु. सोयगाव, पो. वरूड, ता. बुलडाणा, पूनम विजय राठोड मु. पिंपरखेड, पो. आडगाव राजा, ता. दे.राजा, सर्वसाधारण प्रवर्गातून मनोज देवानंद कायंदे दे.राजा, प्रमोद रमेश खोंद्रे सोनाळा, ता. संग्रामपूर, रियाजखा इलियासखा पठाण दे.मही, ता. दे.राजा, राजेश श्रीराम मापारी गायखेड ता. लोणार, शरद दत्तात्रय हाडे सवणा, ता. चिखली.  नागरिकांचा मागास प्रवर्ग महिला श्रीमती पुष्पा शिवाजी धुड एकता नगर, बुलडाणा, नागरिकांचा मागास प्रवर्गातून अशोक खेडेकर दे.राजा हे अविरोध झाले आहेत.

नगराध्यक्ष गवळींची नियोजन समितीवर हॅट्ट्रीक 
मेहकर : मेहकर नगर परिषदचे अध्यक्ष कासम गवळी यांनी बुलडाणा जिल्हा नियोजन समितीच्या निवडणुकीत सतत तिसर्‍यांदा विजयी होऊन विजयाची हॅट्ट्रीक केली आहे. 
८ ऑगस्ट रोजी बुलडाणा जिल्हा नियोजन समितीच्या निवडणुकीची प्रक्रिया  पार  पडून १0 ऑगस्ट रोजी बुलडाणा जिल्हा नियोजन समितीच्या सभागृहात मतमोजणी झाली. या निवडणुकीत काँग्रेस तसेच मित्र पक्षाचे उमेदवार कासम गवळी हे प्रथम  पसंती क्रमांकाची भरघोस मते घेऊन प्रचंड मताधिक्याने विजयी झाले. कासम गवळी हे मागील दहा वर्षापासून जिल्हा नियोजन समितीवर निवडून येत आहेत. यावेळेस तिसरी पंचवार्षिक निवडणूक जिंकून त्यांनी इतिहास रचला आहे. विशेष म्हणजे कासम गवळी यांची दोन महिन्यांपूर्वी नगर परिषद महासंघ मुंबईच्या उपाध्यक्षपदी नियुक्ती करण्यात आली आहे. कासम गवळी हे विजयी होताच कार्यकर्त्यांनी फटाक्यांची आतषबाजी करून आनंद साजरा केला. तसेच म.प्र.कॉ.क. सरचिटणीस श्याम उमाळकर, अनंतराव वानखेडे, जयचंद भाटिया, राजेश अंभोरे, ललित इन्नाणी, पंकज हजारी, नीलेश मानवतकर, मुजीब खान, मुजीब कुरेशी, नीलेश सोमण, अलियार खान, तौफिक खान, ओम सौभागे, मनोज जाधव, पिंटू सुर्जन,  राजू रिंढे, तौफिक कुरेशी, हनिफ गवळी, कलिम खान, तसेच असंख्य कार्यकर्त्यानी कासम  गवळी यांचा सत्कार केला.