बुलडाणा: एक दिवसाच्या नवजात अर्भकाला तलावाजवळ फेकल्याची घटना २५ ऑक्टाेबर राेजी डाेंगरखंडाळा येथे उघडकीस आली. पाेलिसांनी नवजात बाळाला जिल्हा सामान्य रुग्णालयात दाखल केले आहे. नवजात अर्भकाला निर्दयीपणे फेकल्याप्रकरणी मातेविरुद्ध बुलडाणा ग्रामीण पाेलिसांनी विविध कलमान्वये गुन्हा दखल केला आहे. बुलडाणा तालुक्यातील डोंगरखंडाळा येथील एका तलावाजवळ एक ते दाेन दिवसाचे पुरुष जातीचे नवजात अर्भक काही महिलांना आढळले. महिलांनी नवजात अर्भकाजवळ जाउन पाहीले असता ते जिवंत असल्याचे आढळले. महिलांनी तातडीने याविषयी पाेलीस पाटलांना माहिती दिली. तसेच बुलडाणा ग्रामीण पाेलिसांना याविषयी माहिती देण्यात आली. ठाणेदार सारंग नवलकार, पीएसआय रामपुरे आणि बिटजमादार तायडे यांनी घटनास्थळावर धाव घेवून बाळाला ताब्यात घेतले. या बाळाला जिल्हा सामान्य रुग्णालयात दाखल करण्यात आले आहे. या प्रकरणी पोलिस पाटील रवि प्रल्हाद गवई यांच्या तक्रारीवरुन बुलडाणा ग्रामीण पाेलिसांनी विविध कलमान्वये गुन्हा दाखल केला आहे. दरम्यान, या प्रकरणी पाेलिसांनी आराेपी आईचा शाेध लावून तिलाही जिल्हा रुग्णालयात दाखल केले आहे. पुढील तपास ठाणेदार सारंग नवलकर यांच्या मार्गदर्शनात पाेलीस करीत आहेत.
नवजात अर्भकाला तलावाजवळ फेकले
By लोकमत न्यूज नेटवर्क | Published: October 27, 2020 12:45 PM