गावठाण फीडरवर कृषिपंपांचा भार

एक मूल एक झाड योजनेंतर्गत रोपांचे वाटप

बुलडाणा : विवेकानंद गुरुकुंज प्राथमिक शाळेत एक मूल एक झाड योजनेंतर्गत विद्यार्थ्यांना मुख्याध्यापक गजानन इंगळे यांच्या हस्ते विविध रोपांचे वितरण करण्यात आले. कार्यक्रमात मुख्याध्यापक गजानन इंगळे यांनी पर्यावरण रक्षणात वृक्षांचे महत्त्व हे मोलाचे असल्याचे सांगितले. लहान वयात पर्यावरणाचे महत्त्व विद्यार्थ्यांना कळले तर पर्यावरण रक्षणात विद्यार्थ्यांचा मोठा सहभाग राहु शकतो, असे मत त्यांनी व्यक्त केले.

अडीच हजार रुपयांनी गडगडले सोयाबीनचे भाव

मेहकर : मोठा गाजावाजा करत बाजार समित्यांमध्ये सोयाबीनला विक्रमी अकरा हजार रुपये भाव मिळत असल्याची नोंद प्रथमच घेण्यात आली. मात्र नवीन सोयाबीनची आवक येत्या काळात वाढण्याची शक्यता लक्षात घेता व्यापाऱ्यांनी सोयाबीनचे भाव पुन्हा पाडल्याचा अंदाज शेतकऱ्यांमध्ये व्यक्त होत आहे. त्यातच शासनाने अजून हमीभाव जाहीर केलेले नाहीत. अवघ्या काही दिवसांतच पडलेले हे भाव शेतकऱ्यांनी लावलेल्या पेरणी व सोंगणीच्या खर्चालाही पुरेनाशी आहे.

जिल्हास्तरीय भ्रष्टाचार निर्मूलन समितीची सभा उत्साहात

बुलडाणा : जिल्हास्तरीय भ्रष्टाचार निर्मूलन समितीची सभा गुरुवार, २३ सप्टेंबर रोजी सकाळी ११ वाजता जिल्हाधिकारी कार्यालयातील सभागृहात आयोजित केली होती. या सभेत पुराव्यानिशी प्रकरणे समितीसमोर दाखल करण्यात आली.

आरास ले आउटमधील नालीचे बांधकाम रखडले

बुलडाणा : शहरातील आरास ले आउटमधील नालीचे बांधकाम रखडल्यामुळे या नालीतील घाण पाणी रस्त्यावरून वाहत आहे. त्यामुळे नागरिकांच्या आरोग्यास धोका निर्माण झाला आहे. या नालीचे बांधकाम करण्यात यावे, अशी मागणी स्थानिक नागरिकांनी पालिका प्रशासनाकडे केली होती. परंतु अद्यापही या मागणीची दखल घेण्यात आली नाही. त्यामुळे स्थानिक रहिवाशांमध्ये रोष व्यक्त करण्यात येत आहे.