काेराेना रुग्णांची संख्या वाढत असल्याने राज्यभरात संचारबंदी लागू करण्यात आली आहे़ संचारबंदीची अंमलबजावणी करण्याची जबाबदारी पाेलिसांवर साेपविण्यात आली आहे़ काेराेना संसर्गाच्या भीतीतही पाेलीस १२ तास कर्तव्य बजावत आहे़ अनेक पाेलीस कर्मचारी आणि अधिकाऱ्यांना काेराेनाची लागण झालेली आहे तसेच काहींचा मृत्यूही झाली आहे़ एकीकडे कामाचा ताण वाढत असताना दुसरीकडे याेग, संगीत, वृक्षराेपण, वाचन व इतर छंद जाेपासून पाेलीस अधिकारी, कर्मचारी आपला ताण कमी करत असल्याचे चित्र आहे़ बुलडाणा जिल्ह्यात २६०४ पाेलीस कर्मचारी आपले कर्तव्य बजावत आहे तसेच १८६ अधिकारी जबाबदारी पार पाडत आहे़ काेराेनामुळे आराेग्य व्यवस्थेबराेबरच पाेलिसांवरही ताण वाढल्याचे चित्र आहे़. या वाढलेल्या ताणातून पाेलीस आपले छंद जाेपासत असल्याचे चित्र आहे़
विविध वृक्षांची लागवड
कामाच्या ताणातून वेळ मिळाल्यानंतर मी विविध वृक्षांची लागवड करताे़ आपण लावलेल्या राेपट्याला पाणी देणे आणि त्याची झालेली वाढ पाहून वेगळाच आनंद मिळताे तसेच पाळीव प्राण्याबराेबर पक्ष्यांबराेबर वेळ घालवून ताण कमी करण्याचा प्रयत्न करताे़
बजरंग बन्साेड, अतिरिक्त पाेलीस अधीक्षक
याेगासने व वाचन
काेराेनामुळे कामाचा वाढलेला ताण याेगासने करून कमी करण्याचा प्रयत्न करताे तसेच नवीन आलेली पुस्तके वाचण्याचा मला छंद आहे़ जेव्हा वेळ मिळेल तेव्हा हा छंद मी जाेपासताे़ याेगासने केल्याने सकारात्मक ऊर्जा मिळते़
- जयसिंग पाटील, पाेलीस उपनिरीक्षक
योगा आणि फेरफटका
कोरोनाकाळात तसेच दैनंदिन ड्युटीवरील ताण आपण नियमित योगा आणि गावात फेरफटका मारून कमी करतो. ड्युटीवर असताना सदैव सकारात्मक दृष्टिकोनातूनच परिस्थिती हाताळण्याचा आपला प्रयत्न असतो.
- सुनील अंबुलकर,
शहर पोलीस निरीक्षक, खामगाव.
पुस्तकं वाचतो!
पोलीस दलातील ड्युटीच अशी आहे की, या ड्युटीत मनासारखे काहीच घडत नाही. चाकोरीबद्ध ड्युटी सांभाळताना ताण येणे स्वाभाविक आहे त्यामुळे पुस्तक वाचून आणि योगा करून ताण कमी करतो.
- संतोष वाघ,
रायटर, शहर पोलीस स्टेशन