9 हजार 229 उमेदवारांचे भाग्य मशीनबंदलोकमत न्यूज नेटवर्कबुलडाणा : जिल्ह्यातील ४९८ ग्रामपंचायतींसाठी १५ जानेवारीला शांततेत मतदान झाले. जिल्ह्यातील ९ हजार २२९ उमेदवारांचे भाग्य मशीनबंद झाले आहे. ग्रामपंचायत निवडणुकीसाठी मतदारांमध्ये उत्साह हाेता. दुपारी ३.३० वाजेपर्यंत जिल्ह्यात ६३.८४ टक्के मतदान झाले हाेते. दरम्यान, प्रशासनाने जिल्ह्यात ७६. २७ टक्के मतदान झाल्याचा अंदाज वर्तवला आहे. रात्री उशीरापर्यंत मतदान पथके पाेहचणार असल्याने यामध्ये बदल हाेण्याची शक्यता आहे. जिल्ह्यातील ५२७ ग्रामपंचायतींसाठी निवडणूक प्रक्रिया राबविण्यात येत आहे. यापैकी २८ ग्रामपंचायती बिनविरोध झाल्या आहेत, तर एका ग्रामपंचायतीसाठी नामांकन अर्जच आले नाही. त्यामुळे जिल्ह्यात ४९८ ग्रामपंचायतींच्या ३ हजार ८९१ जागांसाठी १५ जानेवारीला मतदान घेण्यात आले. जिल्हाभरात १ हजार ८०३ मतदान केंद्रावर मतदान शांततेत पार पडले. मतदान केंद्रावर चाेख बंदाेबस्त हाेता. सकाळी सात वाजता मतदान प्रक्रिया सुरू झाल्यानंतर जिल्ह्यातील अनेक मतदान केंद्रांवर गर्दी झाली हाेती. मतदारांच्या सकाळपासूनच रांगा लागल्या हाेत्या. सकाळी ७.३० ते ११.३० दरम्यान जिल्ह्यात १०.२३ टक्के मतदान झाले. त्यानंतर केंद्रावर मतदारांची संख्या वाढली. ११.३० वाजेपर्यंत २८.१८ टक्के मतदान झाले. सुरुवातीच्या दाेन तासांत सर्वांत जास्त मतदान मलकापूर तालुक्यात झाले. मतदानाची टक्केवारी १२.३३ हाेती. तसेच सर्वात कमी मतदान नांदुरा तालुक्यात ६.४२ टक्के झाले. दुपारी १.३० वाजेपयर्यंत जिल्ह्यात ४५ टक्के, तर त्यानंतर ३.३० वाजेपर्यंत ६३ टक्क्यांवर पाेहोचले हाेते. ग्रामपंचायत निवडणुकीसाठी मतदारांचा उत्साह ओसंडून वाहत असल्याचे चित्र हाेते. तसेच मतदान केंद्रावर चाेख पाेलीस बंदाेबस्त हाेता. जिल्हाभरात दिग्गजांची प्रतीक्षा प्रणाला लागली आहे.आता निकालाची उत्सुकता उमेदवारांसह ग्रामस्थांमध्ये आहे. तालुक्याच्या मुख्यालयी १८ जानेवारी राेजी निकाल जाहीर करण्यात येणार आहे. प्रशासनाकडून निकालाची तयारी पूर्ण झाली आहे.
बुलडाणा जिल्ह्यातील ९ हजार २२९ उमेदवारांचे भाग्य मशीनबंद
By लोकमत न्यूज नेटवर्क | Updated: January 16, 2021 12:47 IST