एमपीएससीची प्राेफाइल अपडेट करण्यात अडचणी

बुलडाणा : एमपीएससीने विद्यार्थ्यांना अर्ज करण्यासाठी नवीन वेबसाइटवर सुविधा उपलब्ध केली आहे. या वेबसाइटवर विद्यार्थ्यांना प्राेफाइल अपडेट करण्याच्या सूचना देण्यात आल्या आहेत. मात्र, प्राेफाइल अपडेट करताना विद्यार्थ्यांना अनेक अडचणी येत आहेत. त्यामुळे ४ सप्टेंबर राेजी हाेणाऱ्या संयुक्त पूर्वपरीक्षेच्या प्रवेशपत्रांविषयी संभ्रम निर्माण झाला हाेता. मात्र, एमपीएससीने सुलभ पद्धतीने प्रवेशपत्र उपलब्ध करून देण्यात येणार असल्याचे जाहीर केल्याने विद्यार्थ्यांना दिलासा मिळाला आहे.

एमपीएससीने विद्यार्थ्यांना अर्ज करण्यासाठी www.mpsconline.com या वेबसाइटवर सुविधा उपलब्ध करून देण्यात आली आहे. त्यामुळे महाऑनलाइनवरील विद्यार्थ्यांची प्राेफाइल नव्या वेबसाइटवर टाकण्यात आल्या आहेत. विद्यार्थ्यांना त्यांची वेबसाइट अपडेट करण्याचे आवाहन एमपीएससीच्या वतीने करण्यात आले हाेते. मात्र, प्राेफाइल अपडेट करण्यासाठी उमेदवारांना अनेक अडचणी येत आहेत. त्यातच आता ४ सप्टेंबर राेजी एमपीएससीची संयुक्त पूर्वपरीक्षा हाेणार आहे. या परीक्षेपूर्वी प्राेफाइल अपडेट न झाल्यास प्रवेशपत्र कसे मिळणार, असा प्रश्न विद्यार्थ्यांना पडला हाेता. तसेच एमपीएससीचे हेल्पलाइन क्रमांकही सतत व्यस्त येत असल्याच्या तक्रारी वाढल्या आहेत. त्यामुळे एमपीएससीने येत्या ४ सप्टेंबर राेजी हाेणाऱ्या परीक्षेचे प्रवेशपत्र प्राेफाइल व्यतिरिक्त अन्य सुयाेग्य पद्धतीने सुलभपणे उपलब्ध करून देण्यात येणार असल्याचे स्पष्ट केले आहे. याविषयी एमपीएसीसीने १९ ऑगस्ट राेजी परिपत्रक प्रसिद्ध केले आहे. त्यामुळे विद्यार्थ्यांना दिलासा मिळाला आहे.