बुलडाणा : रोजगार हमी योजनेच्या मजुरांची मजुरी टपाल कार्यालयामार्फत दिल्या जाते, त्यामुळे प्रत्येक जॉब कार्डधारक मजुराला टपाल कार्यालयात खाते उघडणे बंधनकारक आहे; मात्र मलकापूर येथील उपडाक घर कार्यालयाने ऑनलाईन सर्व्हर नेहमी डाऊन असते, हे कारण दाखवित ४00 मजुरांचे खाते उघडण्यास असर्मथता दाखविली आहे. प्रत्येक मजुराच्या जॉब कार्डनुसार उपलब्ध असलेल्या खात्यांमध्ये संबंधित मजुरांची मजुरी वर्ग केली जाते, त्यामुळे मलकापूर टपाल कार्यालय अंतर्गत येत असलेल्या नळगंगापूर येथील टपाल कार्यालयामार्फत ४00 मजुरांनी खाते उघडण्यासाठी अर्ज केले आहे. मलकापूर येथील उपडाकघर येथील कामकाज कोअर बँकींग सोल्युशन पद्धतीने ऑनलाईन करण्यात आले आहे; मात्र इंटरनेटची कनेक्टीव्हीटी नसते, सदर सिस्टीमचे सर्व्हर डाऊन असते त्यासोबतच मलकापूर उपडाक घर कार्यालयाला १६ शाखा डाक घराचा लेखाही जोडण्यात आला आहे, त्यामुळे रोहयोचे खाते उघडण्यासाठी इतर पर्यायी व्यवस्था करावी, असे पत्र २१ जानेवारी रोजी डिडोळ सरपंच यांना पाठविण्यात आले आहे.