बुलडाणा जिल्ह्यातील पालिकांच्या कर वसुलीचे ‘घोडे’ अडले!

खामगाव: मालमत्ता  कराच्या वसुलीत बुलडाणा जिल्ह्यातील स्थानिक स्वराज्य संस्थांचे ‘घोडे’ अडल्याचे चित्र आहे. मालमत्ता कराच्या वसुलीत जळगाव जामोद नगर पालिकेचा अपवाद वगळता एकाही पालिकेला सूर गवसलेला नाही.

ठळक मुद्दे  जळगाव जामोदचा अपवाद: देऊळगाव राजा आणि  खामगाव काठावर पास. मेहकर,  मलकापूर पालिकेसह मोताळा नगर पंचायतीची सुमार कामगिरी. मालमत्ता कराच्या निचांक्की आकडेवारीत मलकापूर, मेहकर नगर पालिकांसह मोताळा नगर पंचायत आघाडीवर आहे.

 - अनिल गवई

खामगाव: मालमत्ता  कराच्या वसुलीत बुलडाणा जिल्ह्यातील स्थानिक स्वराज्य संस्थांचे ‘घोडे’ अडल्याचे चित्र आहे. मालमत्ता कराच्या वसुलीत जळगाव जामोद नगर पालिकेचा अपवाद वगळता एकाही पालिकेला सूर गवसलेला नाही. कर वसुलीसाठी अवघे २०-२१ दिवस शिल्लक आहेत. त्यामुळे इतक्या कमी दिवसांमध्ये या पालिकांच्या कर वसुलीची उद्दीष्टपूर्ती होणार तरी कशी? असा प्रश्न आता उपस्थित होत आहे.

       स्थानिक स्वराज्य संस्थांना शासकीय अनुदानासाठी राज्य शासनाने मालमत्ता आणि पाणी पट्टी वसुलीची सक्ती केली आहे. प्रत्येक नगर पालिका आणि पंचायत समितीला १०० टक्के करवसुलीची सक्ती करण्यात आली.  मात्र, शासनाच्या या कसोटीत आतापर्यंत बुलडाणा जिल्ह्यातील केवळ  जळगाव जामोद  पालिका  खरी उतरली आहे. उर्वरित १० पालिका आणि दोन नगर पंचायतींची कामगिरी अतिशय सुमार असल्याचे उपलब्ध आकडेवारीवरून दिसून येते. 

सन २०१७-१८ या आर्थिक वर्षांमध्ये कर वसुलीसाठी बुलडाणा जिल्ह्यात जळगाव जामोद या एकमेव पालिकेने लक्ष केंद्रीत केले. तर उर्वरित पालिका आणि नगर पंचायतींनी अपेक्षीत प्रयत्न केले नसल्याचे दिसून येते.  उपलब्ध आकडेनुसार माहे १ एप्रिल, २०१७ ते ०३ मार्च, २०१८ पर्यंतच्या कालावधीत कर वसुलीत बुलडाणा जिल्ह्यातील जळगाव जामोद नगर पालिकेने सर्वाधिक ९६.२३ टक्के मालमत्ता कराची वसुली केली आहे.  तर देऊळगाव राजा पालिकेने ४०.५६ टक्के कर वसुली करीत दुसरे स्थान पटकाविले आहे. तर खामगाव पालिका (३६.१०) तिसºया स्थानावर आहे. तर मालमत्ता कराच्या निचांक्की आकडेवारीत मलकापूर, मेहकर नगर पालिकांसह मोताळा नगर पंचायत आघाडीवर आहे.

कर वसुलीत जिल्ह्यातील १० पालिका माघारल्या!

 मालमत्ता कराच्या अपेक्षीत वसुलीसाठी जिल्ह्यातील पालिका प्रशासन आता चांगलेच कामाला लागले आहे. नागरिकांचा अपेक्षीत प्रतिसाद मिळत नसल्याने मालमत्ता जप्ती, नळ कनेक्शन कापण्याची कारवाई, थकबाकीदाराच्या दारावर डफडे बजाव मोहिम, थकबाकीदारांच्या याद्या चौका-चौकात झळकविण्याच्या मोहिमेसोबतच काही बड्या थकबाकीदारांना कायदेशीर नोटीसही देण्यात येत आहेत. कारवाईच्या बडग्यामुळे कराचा भरणा करण्यासाठी नागरिक समोर येत आहेत.   दरम्यान, कर वसुलीत ११ पैकी १० पालिका कमालिच्या माघारल्या आहेत. यामध्ये मलकापूर पालिकेसोबतच मोताळा पंचायत समितीचा समावेश आहे. मोताळा पंचायत समितीची अवघी ६ टक्के कर वसुली झाल्याचे दिसून येते. तर संग्रामपूर पंचायत समितीची कामगिरीही सुमार असल्याचे दिसून येते.