मोताळा नगरपंचायत अंतर्गत विकास कामाचे भूमिपूजन - A

मोताळा नगरपंचायतमधील प्रभाग क्रमांक दोन ते १३ या प्रभागांमधील सिमेंट काँक्रीट रस्त्याच्या बांधकामाचे भूमिपूजन आ. संजय गायकवाड यांनी केले. मोताळा नगरपंचायतमध्ये दोन कोटी रुपयांची विकास कामे मंजूर करून त्वरित सुरू करण्यात येईल, अशी माहिती आमदार गायकवाड यांनी दिली. कोणत्याही परिस्थितीमध्ये आपण ही कामे पूर्ण करू, असे आमदार संजय गायकवाड यांनी सांगितले होते, त्या आश्वासनाची पूर्तता होत आहे. येत्या दोन-तीन दिवसात उर्वरित कामाचेसुद्धा भूमिपूजन होणार आहे. मोताळा शहरामध्ये लवकरच विकास कामाचा पुढचा टप्पासुद्धा सुरू केल्या जाईल, यामध्ये शहरांमधील स्मशानभूमीचे सौंदर्यीकरण, कब्रस्तान मधील सुविधा, बुध्द विहारकरिता निधी, शहरांमधील ओपन स्पेस सौंदर्यीकरण, मुख्य जागी छत्रपती शिवाजी महाराज यांच्यासहित महापुरुष यांचे पुतळे, खुल्या जागेमध्ये जिमची सुविधा, शहरामध्ये व्यायामशाळा आदीसह अनेक मूलभूत सुविधांचा समावेश आहे. (वा. प्र.)