सावधान डेंग्यूचाही व्हायरस बदलतोय! बुलडाण्याची स्थिती अजून बरी

बुलडाणा : काही राज्यात कोरोना व्हायरसप्रमाणे डेंग्यूचा व्हायरसही आपले रूप बदलत आहे. सुदैवाने बुलडाणा जिल्ह्यात रुग्णसंख्याही आटोक्यातच असून, त्याच्या विषाणूचे व्हायरसही बदललेले नाहीत. चालू वर्षी जानेवारी २०२१ पासून आजपर्यंत केवळ सात रुग्ण सापडले आहेत.

जिल्हाभरातून २०२१ मध्ये डेंग्यूच्या संशयित ६६ रुग्णांचे नमुने घेण्यात आले होते. त्यापैकी केवळ सात डेंग्यू पॉझिटिव्ह रुग्ण आढळले आहेत. हे सर्व रुग्ण चिखली तालुक्यातील अमडापूर या एकाच गावातील आहेत. जिल्ह्यातील इतर तालुक्यांमध्ये डेंग्यूचा एकही रुग्ण सापडलेला नाही. देशात डेंग्यूचे प्रमाण जास्त असूनही जिल्ह्यात रुग्ण सापडण्याचे प्रमाण अत्यल्प आहे, ही एक समाधानाची बाब आहे. यासोबतच जिल्हा हिवताप अधिकारी कार्यालयाच्या वतीने जिल्हाभरात करण्यात आलेल्या जनजागृतीचाही हा सकारात्मक परिणाम म्हणता येईल.

हे बदल काळी वाढविणारे

ताप नसताना पॉझिटिव्ह

ताप नसताना डेंग्यूचे पॉझिटिव्ह रुग्ण जिल्ह्यात कुठेही सापडलेले नाहीत. जिल्ह्यात डेंग्यूविषयी मोठ्या प्रमाणात जनजागृती सुरू आहे. यावर्षी आतापर्यंत तपासणीसाठी पाठविण्यात आलेल्या संशयित नमुन्यांपैकी केवळ चिखली तालुक्यातील अमडापूर येथे डेंग्यू पॉझिटिव्ह रुग्ण सापडले आहेत.

पॅथालॉजिस्ट म्हणतात

कोरोनासारखाच डेंग्यू व्हायरसही बदलत आहे. ज्या रुग्णांमध्ये कोणतीच लक्षणे नाहीत, त्यांचा अहवाल डेंग्यू पॉझिटिव्ह व ताप नसलेल्या रुग्णांचा अहवाल पॉझिटिव्ह आहे, अशी स्थिती अनेक राज्यात आहे. मात्र, बुलडाणा जिल्ह्यात अशाप्रकारे डेंग्यू संशयित रुग्णांच्या रक्त नमुन्यांमध्ये सापडलेले नाही, असे येथील पॅथालॉजिस्टचे म्हणणे आहे.

..................प्रतिक्रिया...............

व्हायरस बदलाबाबत जिल्हास्तरावर सांगता येत नाही

डेंग्यूच्या विषाणूमधील बदल हा विषय राज्यस्तरावरील आहे. यामध्ये राष्ट्रीय विषाणू संस्था (पुणे, एनआयव्ही) संशोधन करीत असतात. जिल्हास्तरावर हे सांगता येत नाही की, विषाणूमध्ये बदल होतोय किंवा नाही. तसेच ऑफिशियल व अधिकृतरीत्या यावर कोणतेच भाष्य करण्यात आलेले नाही किंवा चर्चासुद्धा झालेली नाही.

- शिवराज चव्हाण, जिल्हा हिवताप अधिकारी, बुलडाणा.

..................बॉक्स.................

जिल्ह्यातील डेंग्यूचे रुग्ण

जानेवारी ते ऑगस्ट २०२१ : ०७

१ ते २२ सप्टेंबर ००

शुक्रवारी तपासणीसाठी पाठविण्यात आलेले नमुने : ००

..................बॉक्स................

जिल्ह्यातील डेंग्यूच्या रुग्णांची तालुकानिहाय संख्या

तालुके रुग्ण

बुलडाणा ००

चिखली ०७

मेहकर ००

लोणार ००

सिंदखेड राजा ००

देऊळगाव राजा ००

मोताळा ००

खामगाव ००

शेगाव ००

मलकापूर ००

नांदुरा ००

जळगाव जामोद ००

संग्रामपूर ००