जागेच्या वादातून हाणामारी

अमडापूर येथे जागेच्या जुन्या वादातून हाणामारी होवून ४ जण जखमी झाले.

अमडापूर : जागेच्या जुन्या वादातून हाणामारी होवून ४ जण जखमी झाले. ही घटना सावरखेड नजीक येथे २६ मे रोजी घडली. याप्रकरणी अमडापूर पोलिसांनी ४ जणांविरुध्द गुन्हा दाखल केला आहे. याबाबत राजू शामराव गुंजाळ रा.सावरखेड नजीक अमडापूर पोलिस स्टेशनला तक्रार दिली की, जागेच्या जुन्या वादावरुन २६ मे रोजी सायंकाळी ७ वाजताच्या सुमारास राजू बबन शिंदे, शंकर रामा गुंजाळ, किसन रामा गुंजाळ, सुरेश शंकर शिंदे या चौघांनी दारु पिवून माझे घरासमोर येवून शिवीगाळ केली तसेच मला व माझा भाचा अशोक शिंदे व भाऊ शिवाजी गुंजाळ असे तिघांना काठीने डोक्यावर मारहाण करुन जखमी केले. या आशयाच्या तक्रारीवरुन अमडापूर पोलिसांनी राजु बबन शिंदे, शंकर रामा गुंजाळ, किसन रामा गुंजाळ, सुरेश शंकर शिंदे यांच्याविरुध्द कलम ३२४,५0४,५0६,३४ भादंविनुसार गुन्हा दाखल करण्यात आला आहे. पुढील तपास ठाणेदार यांच्या मार्गदर्शनाखाली अमडापूर पोलिस करीत आहे.