जुन्या वादातून हाणामारी

बुलडाणा जिल्ह्यातील घटना.

बुलडाणा : धामणगाव बढे येथे ५ मार्च रोजी सकाळी झालेल्या हाणामारीत दोन जण गंभीर जखमी झाल्याची घटना गुरूकृपा हॉटेलजवळ घडली. शेख अफसर शेख शफी व त्याचा भाऊ शेख अक्तर शेख शफी दोघे रा. धामणगाव बढे यांचा व आसीफ राजूखान पठाण यांचा काही महिन्यांपासून जुना वाद होता. गुरूवारी सकाळी जुन्या वादाला तोंड फुटत या तिघांमध्ये हाणामारी झाली. यामध्ये शेख अफसर व शेख अक्तर हे दोघे जखमी झाले. हाणामारीत शेख अफसर याच्या उजव्या पायाला गंभीर दुखापत झाली तर शेख अक्तरलासुद्धा मार बसला. हाणामारीची माहिती मिळताच धा.बढे पोस्टेच्या कर्मचार्‍यांनी घटनास्थळी धाव घेऊन जखमी शेख अफसर व शेख अक्तरला १0८ क्रमांकाच्या व्हॅनद्वारे बुलडाणा येथे उपचारासाठी दाखल केले. या आगोदर या तिघांमध्ये तीन वेळेस हाणामारी झालेली असून, बस स्टॅण्डजवळ दोन वेळा व गुरूकृपा हॉटेलमध्ये एक व बाहेर एक असे चारवेळा या तिघांमध्ये हाणामारी झालेली आहे. या प्रकरणात पोलीस स्टेशनला नोंद झालेली आहे. या अगोदर दोन वेळेस वाद झाल्यानंतर रविवारी या तिघांमध्ये भांडण झाले. या प्रकरणात गुन्हय़ाची नोंद करण्यात आली.