‘त्या’ प्रकरणी भारतीय महिला फेडरेशनतर्फे पोलिसांचा निषेध

याप्रसंगी भाकपच्या राज्य सचिव मंडळाचे सदस्य शिवकुमार गणवीर, किसान सभेचे जिल्हाध्यक्ष सदानंद इलमे व भाकपचे जिल्हा सचिव कॉ.हिवराज उके यांचे महिलांच्या प्रश्नावर मार्गदर्शन झाले. या सभेत दि. १४ व १५ डिसेंबरला अमरावती येथे होऊ घातलेल्या महिला फेडरेशनच्या राज्य अधिवेशनाबद्दल चर्चा करण्यात आली.

लोकमत न्यूज नेटवर्क
भंडारा : चंद्रपूर जिल्ह्यातील राजूरा पोलीस ठाणे मध्ये एका घरेलू कामगार मोलकरीण महिलेला निर्वस्त्र करून तिचा अमानुष छळ करून अब्रू लुटणाऱ्या पोलिसांचा भारतीय महिला फेडरेशन भंडारा जिल्हा कौंसील तर्फे तीव्र निषेध करण्यात आला. याप्रकरणातील सर्व गुन्हेगारांचा शोध घेऊन त्यांच्या विरुद्ध कठोर कारवाई करण्यात यावी अशी मागणी करण्यात आली.
भारतीय महिला फेडरेशनच्या भंडारा जिल्हा कौंसीलची सभा शुक्रवारला राणा भवन भंडारा येथे महिला फेडरेशनच्या जिल्हाध्यक्ष शांताबाई बावनकर यांच्या अध्यक्षतेखाली संपन्न झाली.
याप्रसंगी भाकपच्या राज्य सचिव मंडळाचे सदस्य शिवकुमार गणवीर, किसान सभेचे जिल्हाध्यक्ष सदानंद इलमे व भाकपचे जिल्हा सचिव कॉ.हिवराज उके यांचे महिलांच्या प्रश्नावर मार्गदर्शन झाले. या सभेत दि. १४ व १५ डिसेंबरला अमरावती येथे होऊ घातलेल्या महिला फेडरेशनच्या राज्य अधिवेशनाबद्दल चर्चा करण्यात आली. यात महिला फेडरेशनच्या घटनेप्रमाणे राष्ट्रीय महाअधिवेशनापूर्वी राज्य अधिवेशन व त्यापूर्वी जिल्हा व तालुका अधिवेशन घेण्यात यावे, त्या अनुषंगाने ८ डिसेंबर रोजी दुपारी १२ वाजता संत तुकाराम सभागृह बावणे कुणबी समाज मंगल कार्यालय भंडारा येथे भारतीय महिला फेडरेशनचा भंडारा जिल्हा अधिवेशन होईल.
या जिल्हा अधिवेशनासाठी भंडारा जिल्ह्यातील प्रत्येक तालुक्यातून किमान १० क्रियाशील महिला कार्यकर्त्यांनी सहभागी व्हायचे आहे.
जिल्हा अधिवेशनापूर्वी प्रत्येक तालुक्याचे अधिवेशन झाले पाहिजे. त्या अनुषंगाने २ डिसेंबरला दुपारी २ वाजता राणा भवन, भंडारा येथे महिला फेडरेशनचा भंडारा तालुका अधिवेशन घेण्यात येईल. ६ डिेसेंबर १९ ला साकोली येथे आयोजित करण्यात आला आहे असे निर्णय घेण्यात आले. सभेचे संचालन महिला फेडरेशनच्या जिल्हा सचिव शमीम बानो खान यांनी केले. याप्रसंगी रत्नाबाई इलमे, छबी पाचे, मीनाक्षी बोंबार्डे, श्रीवंता अंबुले, पुण्यवती गणवीर, ममता तुरकर, सरिता सुखदेवे, वंचळा लेंडे, जनाबाई चकोले, शांताबाई कनोजे, राजकुमार कुरंजेकर, पुष्पा मेश्राम, बेबीताई संबलवार, वनिता नंदेश्वर, सरिता गजभिये आदी उपस्थित होते.