Bhandara News | Latest Bhandara News in Marathi | Bhandara Local News Updates | ताज्यबातम्या भंडारा | भंडारा समाचार | Bhandara Newspaper

पाणी टंचाई : जिल्हाधिकाऱ्यांच्या उपस्थितीत गदारोळ, बैठकीनंतर पत्रपरिषदेतून केले आरोप-प्रत्यारोपभंडारा : शहरातील नागरिकांच्या ज्वलंत समस्यांबाबत आढावा बैठकीत आढाव्याव्यतिरिक्त भाजपकडून नाहक प्रश्न विचारण्यात आले. त्यामुळे राष्ट्रवादी काँग्रेसचे नगरसेवक विरूद्ध भाजप पदाधिकारी यांच्यात चांगलीच ‘बाचाबाची’ झाली. त्यानंतर नगराध्यक्षांसह नगरसेवकांनी आढावा बैठकीतून बहिर्गमन केल्याचा प्रकार सोमवारला जिल्हाधिकारी कार्यालयात घडला.नगरपरिषदेंतर्गत नागरिकांच्या ज्वलंत समस्यांबाबत जिल्हाधिकारी कार्यालयात आढावा बैठकीचे आयोजन आमदार रामचंद्र अवसरे यांनी केले होते. या बैठकीत जिल्हाधिकारी धीरजकुमार, पालिका मुख्याधिकारी रविंद्र देवतळे यांच्यासह पालिकेकडून सर्वपक्षीय ३२ नगरसेवक सहभागी झाले होते. भाजपकडून नगरसेवकांसह भाजपचे पदाधिकारी बैठकीत उपस्थित होते.आढावा सोडून वैयक्तिक टीका करणे अयोग्य -बाबू बागडेजिल्हाधिकाऱ्यांनी आढावा बैठक बोलाविल्यामुळे आम्ही सर्व नगरसेवक उपस्थित झालो होतो. परंतु भाजपच्या पदाधिकाऱ्यांनी आढवा बैठकीत वैयक्तिक टीका करणे सुरू केल्यामुळे आम्ही तिथून परत जाण्याचा निर्णय घेतल्याचे नगराध्यक्ष बाबूराव बागडे यांच्यासह काँग्रेस व राष्ट्रवादीच्या नगरसेवकांनी आयोजित पत्रपरिषदेत स्पष्ट केले.आढावा बैठकीत आम्ही शहर विकास कामाकरीता सुचविलेली कामे पर्यटन विकास योजनाकरीता १०.२० कोटी व विशेष निधीअंतर्गत १२ कोटी रूपयांच्या निधीसाठी प्रस्ताव, रस्ता अनुदान योजनेसाठी १०.१० कोटी रूपयांचा प्रस्ताव आणि वैशिष्ट्यपूर्ण विशेष निधीतून १० कोटी रूपयांचा प्रस्ताव शासनाकडे मंजुरीसाठी पाठविण्याची विनंती केली आहे. असे असताना आढावा बैठकीत भाजप नगरसेवकांनी प्रश्न विचारले असते त्यांना उत्तरे देण्यासाठी आम्ही सक्षम आहोत. परंतु नगरसेवक बोलण्यापूर्वीच काही कार्यकर्ते तुमच्या वॉर्डात किती बोअरवेल बंद आहेत? असे प्रश्न विचारत असतील तर तो काही जनता दरबार नव्हता, भाजपची कार्यकर्त्यांची बैठक होती, असे पालिका पदाधिकाऱ्यांनी स्पष्ट केले. वैयक्तिक टीका सुरू झाल्यामुळे आम्ही तिथून परत जाण्याचा सामूहिकपणे निर्णय घेतला. पत्रपरिषदेला उपाध्यक्ष कविता भोंगाडे, नगरसेवक महेंद्र गडकरी, अॅड. विनयमोहन पशिने, धनराज साठवणे, मकसुद खान, योगेश हेडाऊ, माधुरी चौधरी, चेतना हेडाऊ, रत्नमाला साठवणे, माणिक गायधने, करूणा घोडमारे, काँग्रेसचे शमीम शेख, पृथ्वीराज तांडेकर, ज्योती गणवीर, शिवसेनेचे किरण व्यवहारे, भाजपचे महेंद्र निंबार्ते यांच्यासह राकाँचे नगरसेवक उपस्थित होते.पालिका पदाधिकाऱ्यांनी चर्चा करण्याची गरज होती -अवसरेसध्या राज्यात पाणी टंचाईचे सावट आहे. पालिकेच्या हद्दीतील काही भागात पाणी टंचाई असल्याच्या अनेक तक्रारी माझ्याकडे आलेल्या आहेत. त्यामुळे सोमवारला पालिका मुख्याधिकारी व कर्मचाऱ्यांची बैठक बोलवा, असे पत्र जिल्हाधिकाऱ्यांना दिले होते. जिल्हाधिकाऱ्यांनी मुख्याधिकाऱ्यांना पत्र दिल्यानंतर मुख्याधिकाऱ्यांनी सर्व नगरसेवकांना बैठक असल्याचे पत्र दिले. मी कुणालाही बोलाविले नव्हते, ही आढावा बैठक होती. या बैठकीत पालिका पदाधिकाऱ्यांनी चर्चा करण्याची गरज होती, असे आमदार अॅड.रामचंद्र अवसरे यांनी आयोजित पत्रपरिषदेत स्पष्ट केले.यावेळी ते म्हणाले, अत्यल्प पाणी पुरवठा व दूषित पाणी पुरवठ्यावर उपाययोजना अशा मुद्यांवर आढावा बैठक होती परंतु राष्ट्रवादीचे नगरसेवक चर्चा न करताच निघून गेल्याचा आरोप त्यांनी केला. यावेळी भाजपचे प्रभारी सुनील मेंढे, शहर अध्यक्ष चंद्रशेखर रोकडे, संजय कुंभलकर, नगरसेवक सूर्यकांत ईलमे, विकास मदनकर, मधुरा मदनकर, संध्या धनकर, शमीमा शेख, आशा उईके, संजय मते, मनोज बोरकर उपस्थित होते. (जिल्हा प्रतिनिधी)नगराध्यक्षांचे आमदारांना आव्हानराष्ट्रवादी काँग्रेसचे नगरसेवक असलेल्या वॉर्डात माझ्या लेटरहेडचा वापर करून कामे दिल्याचा प्रकार लक्षात आल्याचे आमदार रामचंद्र अवसरे यांनी पत्रपरिषदेत सांगितले. त्याबाबत नगराध्यक्ष बाबूराव बागडे यांना विचारले असता ते म्हणाले, आमदारांनी खरबी येथे आयोजित कार्यक्रमात बोलावून पत्र दिले होते. त्या पत्रातील आमदारांची स्वाक्षरी पडताळून पाहा, स्वाक्षरी खरी निघाली तर ते पदाचा राजीनामा देतील आणि स्वाक्षरी खोटी निघाली तर मी राजीनामा देईन, असे थेट आव्हान नगराध्यक्ष बाबूराव बागडे यांनी आमदार रामचंद्र अवसरे यांना दिले.निंबार्ते भाजपात नाहीभाजपचे नगरसेवक महेंद्र निंबार्ते राष्ट्रवादीच्या पत्रपरिषदेत कसे, असा प्रश्न शहर अध्यक्ष चंद्रशेखर रोकडे यांना विचारला असता ते म्हणाले, तीन वर्षांपूर्वीच निंबार्ते यांना भाजपातून निलंबित करण्यात आल्याचे सांगितले. आता जिल्हाध्यक्षांशी चर्चा करून निष्काषणाचे पत्र देण्यात येईल, असे रोकडे यांनी स्पष्ट केले.

Bhandara (Marathi News)

सर्वधर्मसमभावाची शिकवण देणारे राष्ट्रसंत तुकडोजी महाराज ग्रामविकास झाला की राष्ट्राचा विकास होईल,... ...

स्वच्छ पिण्याचे पाणी, स्वच्छता तथा बेटी बचाओ याकडे शासन व प्रशासनाची करडी नजर आहे. ...

प्राण्याची निर्दयीपणे वाहतुक करणारे पाच वाहन वाहतूक विभाग भंडारा यांनी वरठीजवळील बोथली शिवारात पकडले. ...

वाढत्या उष्णतामानामुळे बावनथडीचे नदीपात्र पूर्णत: कोरडे पडले आहे. परिणामी गोबरवाही ... ...