जेष्ठांच्या समस्या निकाली काढणे गरजेचे

सेवानिवृत्त व जेष्ठ नागरिकांच्या समस्या सोडविण्याचे व त्यांचा शासनाकडे पाठपुरावा करणे गरजेचे आहे.

जेष्ठांचा सत्कार : पवनीत संयुक्त वार्षिक अधिवेशनाची सांगता
पवनी : सेवानिवृत्त व जेष्ठ नागरिकांच्या समस्या सोडविण्याचे व त्यांचा शासनाकडे पाठपुरावा करणे गरजेचे आहे. जेष्ठांच्या समस्या निकाली काढणे अत्यंत गरजेचे आहे, असे प्रतिपादन आमदार अ‍ॅड. रामचंद्र अवसरे यांनी केले.
पवनी तालुका सेवानिवृत्त कर्मचारी संघटना तसेच पवनी तालुका जेष्ठ नागरिक संघटना यांची संयुक्त अधिवेशन पार पडले. यावेळी अ‍ॅड अवसरे बोलत होते.
कार्यक्रमाच्या अध्यक्षस्थानी पवनीच्या नगराध्यक्षा पूनम काटेखाये होत्या तर उद्घाटक आमदार अ‍ॅड. रामचंद्र अवरे होते. प्रमुख अतिथी म्हणून माजी जि.प. सभापती विकास राऊत, विजय काटेखाये, फेस्कॉमचे सचिव सुरेश रेवतकर, पतंजलीचे डॉ. गणेशसिंह बैस, माजी नगराध्यक्ष रजनी मोटघरे, दुध संघ मुंबईचे संचालक विलास काटेखाये, कृषी भूषण नारायण भोगे, जिल्हा परिषदेचे माजी सदस्य मोहन पंचभाई, डॉ. भागवत आकरे, यु.सा. देशभ्रतार होते.
दिप प्रज्वलन करून कार्यक्रमाची सुरवात करण्यात आली. प्रास्ताविक डी.बी. युवगांवकर यांनी केले तर अहवालवाचन वासूदेव रायपूरकर यांनी केले. नगराध्यक्षा पूनम काटेखाये यांनी न.प. शी संबंधित सेवानिवृत्त कर्मचारी तथा जेष्ठ नागरिक यांच्या समस्या सोडविण्याचे आश्वासन दिले तसेच वृद्धाश्रमाची तालुक्यात आवश्यकता असल्याचे मत व्यक्त केले.
संजय निराधार योजनेचे अध्यक्ष विजय काटेखाये, माजी नगराध्यक्षा रजनी मोटघरे, सुरेश रेवतकर, देशभ्रतार, विलास काटेखाये, मोहन पंचभाई, विकास राऊत यांनी आपले विचार व्यक्त केले. यावेळी पुंडलिक सपाटे, रजनी मोटघरे, विलास काटेखाये, मोहन पंचभाई यांचा शाल व श्रीफळ देवून सत्कर करण्यात आला.
तसेच ७० वर्ष पूर्ण झालेले सेवानिवृत्त कर्मचारी माणिक गाडेकर, मनोरमा करंजेकर, इंदिरा अंबादे, श्रीराम करंजेकर, शंकर टेकाम, शामराव वंजारी, दादा करूटकर, श्रीकृष्ण भोयर, प्रतिभा बोदलकर, नत्थू धारगावे, लक्ष्मण धकाते, सावरबांधे, दादा चौधरी, सुमन वैद्य, सावरकर, करंजेकर, खानोरकर, सुमन कोतपल्लीवार, मैना धारगावे, विमल पोटवार, शांता आप्तुरकर, चंद्रभागा चौधरी, डॉ. गणेशसिंह बैस, कोंढा केंद्र - वसंता भुरे, आर.एस. मरखडे, व्ही.बी. सेलोकर, डी.एल. गाडेकर. आसगाव केंद्र - दामोधर कोरे, शामदेव गभने, निलकंठ मोटघरे, मुक्ता हत्तीमारे, अंजना भेंडारकर, आनंदा हेमणे, गंगू डडमल, तारा फुंडे, सरस्वती खळसिंगे, सागरता आठरे.
पवनी केंद्र - धमेंद्र, निलकंठ बावनकर, कौसेकर साखरे, भिवरा कोचे, डॉ. चांदेवार, कुसुम दलाल तसेच ८० वर्षावरील शरद देशपांडे, दयाराम आकरे, देवनाथ वाकडीकर, शिवहर दलाल, मोतीराम मोहनकर, शंकरराव हटवार, व गुलाबराव करंजेकर यांचा प्रमुख अतिथींच्या हस्ते शाल व श्रीफळ देवून सत्कार करण्यात आला. कार्यक्रमाचे संचालन व आभार प्रदर्शन डॉ. विकास बावनकुळे यांनी केले. (तालुका प्रतिनिधी)