कृषीवर आधारित उद्योग उभारावे

भंडारा तालुक्यातील बेला येथे पशुसंवर्धन विभाग, पंचायत समिती व जिल्हा परिषदेच्यावतीने तालुकास्तरीय पशुपक्षी व कृषी प्रदर्शन तथा शेतकरी मेळाव्याचे आयोजन करण्यात आले होते. यावेळी उदघाटक म्हणून आमदार भोंडेकर बोलत होते.

ठळक मुद्देनरेंद्र भोंडेकर : भंडारा तालुकास्तरीय पशुपक्षी व कृषी प्रदर्शन तथा शेतकरी मेळावा

लोकमत न्यूज नेटवर्क
भंडारा : युवकांनी नोकरीच्या मागे न लागता पशुसंवर्धन व कृषीवर आधारित गटांच्या माध्यमातून उद्योगधंदे उभारणे गरजेचे आहे. यातूनच आर्थिक सुबत्ता साधावी. अडचणी आल्यास आपण सहकार्य करू, अशी ग्वाही आमदार नरेंद्र भोंडेकर यांनी दिली.
भंडारा तालुक्यातील बेला येथे पशुसंवर्धन विभाग, पंचायत समिती व जिल्हा परिषदेच्यावतीने तालुकास्तरीय पशुपक्षी व कृषी प्रदर्शन तथा शेतकरी मेळाव्याचे आयोजन करण्यात आले होते. यावेळी उदघाटक म्हणून आमदार भोंडेकर बोलत होते.
यावेळी मंचावर कृषी व पशुसंवर्धन सभापती विवेकानंद कुर्झेकर, जिल्हा परिषद सदस्य जया सोनकुसरे, निलकंठ कायते, चंद्रप्रकाश दुरुगकर, पंचायत समिती भंडाराच्या उपसभापती वर्षा साकुरे, सरपंच पुजा ठवकर, उपसरपंच मंगला पुळके, प्रादेशिक पशुसंवर्धन सहआयुक्त डॉ. किशोर कुंभरे, पशुसंवर्धन उपआयुक्त डॉ. सुरेश कुंभरे, जिल्हा पशुसंवर्धन अधिकारी डॉ. नितीन फुके, कृषी विकास अधिकारी आर. आर. डोंगरे, गटविकास अधिकारी नुतन सावंत उपस्थित होते.
भंडारा तालुक्यातून आलेल्या विविध गटातील पाळीव प्राण्यांच्या प्रदर्शनीची व विविध पशुसंवर्धन व कृषी व स्वयंसहाय्यता गटांच्या स्टॉलची मान्यवरांनी पाहणी करुन माहिती जाणून घेतली. यावेळी जया सोनकुसरे यांनी या भागातील पशुपालकांनी स्वयंपूर्ण होण्यासाठी पशुसंवर्धन व कृषी विभागातील अधिकाऱ्यांचा सहायाने कृषीपुरक उद्योगधंदे उभारून आर्थिक समृध्दी साधावी, असे सांगितले. निलकंठ कायते, चंद्रप्रकाश दुरुगकर व सरपंच पुजा ठवकर यांनी शेतकऱ्यांना मार्गदर्शन केले.
डॉ. नितीन फुके यांनी प्रास्ताविकात मागील दोन वर्षात पशुसंवर्धन विभागामार्फत विविध योजना मंजूर करुन अंमलबजावणी करुन राबविल्याचे सांगून विविध योजनांची माहिती दिली. या कार्यक्रमाचे संचलन रमेश खोब्रागडे यांनी केले.
आभार कृषी अधिकारी चौधरी यांनी मानले. प्रदर्शनाचे आयोजन पंचायत समिती भंडाराच्या पशुधन विकास अधिकारी डॉ. सविता चोले यांच्या मार्गदर्शनात डॉ. प्रशांत वैद्य, डॉ. विठ्ठल हटवार, डॉ. प्रिती श्रावणकर, डॉ. राणू कडू, डॉ. सुरज पाटील, डॉ. दिपक मदिकुंठावर, प्रमोद सपाटे, रामकृष्ण निखारे, प्रविण टेंभुर्णे, प्रविण वैद्य, माधव मानकर, विशाल भडके यांनी प्रदर्शनीच्या आयोजनाकरीता सहकार्य केले. प्रदर्शनीचा लाभ घेण्यासाठी परिसरातील शेतकरी, पशुपालक उपस्थित होते.