बफर क्षेत्रातील प्रतिबंध हटविले

भंडारा तालुक्यातील गराडा बुज. येथील एक महिला कोरोनाबाधीत असल्याचे पुढे आले होते. त्यामुळे खबरदारीचा उपाययोजना म्हणून जिल्हाधिकाऱ्यांनी कंटेनमेंट क्षेत्र व बफर क्षेत्र घोषीत केले होते. या क्षेत्रातील सर्व मार्ग बंद करून सदर गावांच्या सीमा आवागमनासाठी बंद करण्यात आल्या होत्या. तसेच या गावातील नागरिकांना प्रतिबंधित क्षेत्राच्या बाहेर जाण्यास व प्रतिबंधीत क्षेत्राबाहेरील नागरिकांना या क्षेत्रात येण्यास पूर्णत: बंदी घालण्यात आली होती.

ठळक मुद्देजिल्हाधिकाऱ्यांचे आदेश : कंटेनमेंट क्षेत्रातील गराडा बु., मेंढा व बासोरात प्रतिबंध कायम

लोकमत न्यूज नेटवर्क
भंडारा : कोरोनाबाधीत व्यक्ती आढळल्यानंतर भंडारा तालुक्यातील तीन गावे कंटेनमेंट क्षेत्र आणि १४ गावे बफर क्षेत्र म्हणून घोषीत करण्यात आले होते. आता संबंधित कोरोनाबाधीत रुग्णाचे दोन अहवाल निगेटिव्ह आल्याने बफर क्षेत्रातील प्रतिबंध हटविण्यात आले. याबाबतचे आदेश जिल्हा आपत्ती व्यवस्थापन प्राधिकरणाचे अध्यक्ष तथा जिल्हाधिकारी एम.जे. प्रदीपचंद्रन यांनी बुधवारी जारी केले. मात्र कंटेनमेंट क्षेत्रातील गराडा बु., मेंढा, बासोरा या गावांसाठी लागू असलेले प्रतिबंध यापुढे देखील सुरु राहणार असल्याचे या आदेशात म्हटले आहे.
भंडारा तालुक्यातील गराडा बुज. येथील एक महिला कोरोनाबाधीत असल्याचे पुढे आले होते. त्यामुळे खबरदारीचा उपाययोजना म्हणून जिल्हाधिकाऱ्यांनी कंटेनमेंट क्षेत्र व बफर क्षेत्र घोषीत केले होते. या क्षेत्रातील सर्व मार्ग बंद करून सदर गावांच्या सीमा आवागमनासाठी बंद करण्यात आल्या होत्या. तसेच या गावातील नागरिकांना प्रतिबंधित क्षेत्राच्या बाहेर जाण्यास व प्रतिबंधीत क्षेत्राबाहेरील नागरिकांना या क्षेत्रात येण्यास पूर्णत: बंदी घालण्यात आली होती. या गावांमध्ये पोलिसांचा तगडा बंदोब्सत लावून आरोग्य विभागाच्या वतीने तपासणी मोहीम राबविण्यात आली.
दरम्यान सदर व्यक्तीचे दोन्ही अहवाल निगेटिव्ह आले. त्यामुळे जिल्हाधिकाºयांनी भंडारा तालुक्यातील बफर क्षेत्रात येणाºया तिड्डी, मकरधोकडा, मानेगाव, बोरगाव बु., नवरगाव, चोवा, उसरीपार, गराडा खु., अर्जुनी जुनी, झबाडा, टेकेपार (पुनर्वसन), सिल्ली), दवडीपार (बा), श्रीनगर (पहेला) या गावांसाठी घालण्यात आलेले प्रतिबंध उठविण्यात आले आहे. मात्र कंटेनमेंट क्षेत्राकरिता लागू करण्यात आलेले प्रतिबंध कायम राहणार आहेत. यामध्ये गराडा बुज., मेंढा, बासोरा या गावांचा समावेश आहे. यामुळे नागरिकांना दिलासा मिळाला.

४३० पोलीस अधिकारी - कर्मचाºयांची आरोग्य तपासणी
कोरोना प्रतिबंधक उपाययोजनेंतर्गत जिल्हा पोलीस मुख्यालयात ४३० पोलीस अधिकारी व कर्मचाºयांची आरोग्य विभागातर्फे बुधवारी आरोग्य तपासणी करण्यात आली आहे. नागरिकांनी ताप, खोकला, श्वास घेण्यास त्रास अशी लक्षणे आढळल्यास त्यांनी त्वरीत प्राथमिक आरोग्य केंद्रात जाऊन तपासणी करावी असे आवाहन करण्यात आले आहे.
जिल्हा सामान्य रुग्णालयाच्या आयसोलेशन वॉर्डात सध्या १४ व्यक्ती दाखल आहेत. आतापर्यंत ६६७ व्यक्तींच्या घशातील नमुने नागपूर येथे पाठविण्यात आले असून त्यापैकी ६१३ व्यक्तींचे अहवाल निगेटिव्ह प्राप्त झाले आहेत. संस्थात्मक क्वारंटाईनमध्ये ६७ व्यक्ती दाखल आहेत.