यंदा शनिवार, १४ फेब्रुवारी २०२६ रोजी 'शनिप्रदोष(Shani Pradosh 2026), दुसऱ्या दिवशी १५ फेब्रुवारीला महाशिवरात्री(Mahashivratri 2026) आणि १६ फेब्रुवारीला सोमवती अमावास्या(Somvati Amavasya 2026) असा अत्यंत दुर्मिळ योग जुळून आला आहे. तसेच १४ फेब्रुवारी हा जगभर साजरा केला जाणारा प्रेमदिवसदेखील आहे. त्यानिमित्ताने या दिवशी भगवान शंकराची आणि शनिदेवाची एकत्रित उपासना केल्यास आयुष्यातील अनेक संकटे दूर होतील, तसेच तुमचे प्रेमजीवन, वैवाहिक जीवन अधिक आनंदी होईल. यासाठी प्रसिद्ध ज्योतिषी अरुण कुमार व्यास यांच्या मार्गदर्शनानुसार, या विशेष दिवशी विशिष्ट रंगाचे कपडे परिधान केल्यास तुम्हाला दुहेरी कृपेचा लाभ होऊ शकतो. कसा ते जाणून घेऊ.
फेब्रुवारी महिन्यातील १४ तारीख ही केवळ प्रेमाचा दिवस नाही, तर आध्यात्मिक दृष्टीनेही अत्यंत महत्त्वाची ठरली आहे. शनिवारी येणारा प्रदोष 'शनिप्रदोष' म्हणून ओळखला जातो. ज्योतिषी अरुण कुमार व्यास यांच्या मते, या दिवशी कपड्यांच्या रंगाची योग्य निवड केल्यास तुमच्या नशिबाची दारे उघडू शकतात.
निळ्या रंगाचे कपडे घालण्याचे महत्त्व
शनिप्रदोषाच्या दिवशी 'निळ्या' (Blue) रंगाचे कपडे परिधान करणे अत्यंत शुभ मानले जाते. निळा रंग हा शनिदेवाचा अत्यंत प्रिय रंग आहे. या रंगाचे फायदे खालीलप्रमाणे आहेत:
शनिदेवांची प्रसन्नता: निळा रंग परिधान केल्याने शनिदेवाचा कोप कमी होतो आणि ज्यांच्या राशीत साडेसाती किंवा ढैया सुरू आहे, त्यांना मानसिक शांती लाभते.
नकारात्मकतेचा नाश: हा रंग आत्मविश्वास वाढवतो आणि सभोवतालची नकारात्मक ऊर्जा दूर ठेवण्यास मदत करतो.
दुहेरी कृपा: या दिवशी निळ्या रंगाचे कपडे घातल्याने भगवान भोलेनाथ आणि शनिदेव या दोघांचाही आशीर्वाद प्राप्त होतो, असे अरुण कुमार व्यास सांगतात.
जोडीदाराचे प्रेम आणि नात्यात गोडवा
यंदा शनिप्रदोष व्हॅलेंटाईन डेला आल्यामुळे याचा सकारात्मक परिणाम प्रेमसंबंधांवरही होणार आहे.
नात्यात स्थिरता: निळा रंग हा स्थिरतेचे प्रतीक आहे. हा रंग परिधान केल्याने जोडीदारासोबतचे मतभेद दूर होतात आणि नात्यात विश्वासाची भावना वाढते.
आकर्षण आणि आदर: ज्योतिषांनुसार, या दिवशी निळ्या रंगाचा वापर केल्यास जोडीदाराच्या मनात तुमच्याबद्दल आदर आणि ओढ वाढते, ज्यामुळे तुमचे प्रेमसंबंध अधिक घट्ट होतात.
महाशिवरात्री २०२६: नशिबाची साथ कोणाला मिळणार? महादेवाच्या कृपेसाठी राशीनुसार करा 'हे' दान
शनिप्रदोषाला हे आवर्जून करा:
१. अभिषेक: संध्याकाळी शिवमंदिरात जाऊन महादेवाला पांढरे तीळ अर्पण करा. २. दिवा: पिंपळाच्या झाडाखाली मोहरीच्या तेलाचा दिवा लावा. ३. मंत्र जप: "ॐ प्रां प्रीं प्रौं सः शनैश्चराय नमः" या मंत्राचा जप करा. पाहा व्हिडिओ -
Web Summary : In 2026, Shani Pradosh, Mahashivratri, and Somvati Amavasya create a rare spiritual alignment on Valentine's Day. Wearing blue is auspicious. It pleases Shani Dev, removes negativity, and strengthens relationships. Offer white sesame seeds, light a lamp, and chant mantras for blessings.
Web Summary : 2026 में, शनि प्रदोष, महाशिवरात्रि और सोमवती अमावस्या का दुर्लभ संयोग वैलेंटाइन डे पर बन रहा है। नीला रंग पहनना शुभ है। यह शनि देव को प्रसन्न करता है, नकारात्मकता दूर करता है, और रिश्तों को मजबूत करता है। सफेद तिल अर्पण करें, दीपक जलाएं और मंत्रों का जाप करें।