Sankashti Chaturthi January 2022: सन २०२२ मधील पहिली संकष्ट चतुर्थी: ‘असे’ करा व्रताचरण; पाहा, शुभ योग आणि चंद्रोदय वेळा

By ऑनलाइन लोकमत | Published: January 20, 2022 08:58 PM2022-01-20T20:58:32+5:302022-01-20T20:59:38+5:30

Sankashti Chaturthi January 2022: पौष महिन्यातील संकष्ट चतुर्थीचे महत्त्व, व्रताचरण पूजनाची सोपी पद्धत आणि विविध शहरांतील चंद्रोदय वेळा जाणून घ्या...

paush sankashti chaturthi january 2022 date vrat puja vidhi shubh muhurat and chandrodaya timing in various cities in marathi | Sankashti Chaturthi January 2022: सन २०२२ मधील पहिली संकष्ट चतुर्थी: ‘असे’ करा व्रताचरण; पाहा, शुभ योग आणि चंद्रोदय वेळा

Sankashti Chaturthi January 2022: सन २०२२ मधील पहिली संकष्ट चतुर्थी: ‘असे’ करा व्रताचरण; पाहा, शुभ योग आणि चंद्रोदय वेळा

Next

सन २०२२ हे इंग्रजी नववर्ष सुरू झाले आहे. प्रत्येक मराठी महिन्याच्या वद्य पक्षात येणाऱ्या चतुर्थीला गणपती बाप्पाचे संकष्ट चतुर्थीचे व्रत केले जाते. हजारो भाविक या दिवशी गणपती बाप्पाचे नामस्मरण, पूजन करतात. गणपती स्तोत्र, मंत्राचे पठण करतात. आपल्या आवडत्या बाप्पाची कृपादृष्टी राहावी म्हणून आपण दर महिन्याला संकष्टीचा उपास करतो. संकष्टीचे व्रत शीघ्र फलदायी आहे, असे म्हणतात. सन २०२२ मधील पहिली पौष महिन्यातील संकष्ट चतुर्थी शुक्रवारी येत आहे. यामुळे या दिवसाचे महत्त्व वेगळे असल्याचे सांगितले जाते. पौष संकष्ट चतुर्थीची व्रताचरणाची सोपी पद्धत, मुहूर्त आणि विविध शहरांमधील चंद्रोदय वेळ जाणून घ्या... (Paush Sankashti Chaturthi January 2022)

सन २०२२ मधील पहिली संकष्ट चतुर्थी: शुक्रवार, २१ जानेवारी २०२२

पौष संकष्ट चतुर्थी प्रारंभ: शुक्रवार, २१ जानेवारी २०२२ रोजी सकाळी ०८ वाजून ५१ मिनिटे.

पौष संकष्ट चतुर्थी समाप्ती: शनिवार, २२ जानेवारी २०२२ रोजी सकाळी ०९ वाजून १४ मिनिटे.

भारतीय पंचांगानुसार, सूर्योदयाची तिथी मानण्याची परंपरा आहे. असे असले, तरी संकष्ट चतुर्थी व्रत प्रदोष काळी केले जाते. तसेच यामध्ये चंद्रोदय आणि चंद्रदर्शन महत्त्वाचे असल्यामुळे पौष महिन्यातील संकष्ट चतुर्थीचे व्रताचरण शुक्रवार, २१ जानेवारी २०२२ रोजी करावे, असे सांगितले जाते. पौष संकष्ट चतुर्थीला गणपती बाप्पाचे पूजन करायचा शुभ मुहूर्त हा सकाळी ०९ वाजून ४३ मिनिटे ते १० वाजून ३० मिनिटे आहे. सकाळी १० वाजून ३० मिनिटे ते १२ वाजेपर्यंत राहुकाळ आहे. या दिवशी नक्षत्र पूर्वाफाल्गुनी आहे. तर चंद्र सिंह राशीत विराजमान असेल. संकष्ट चतुर्थी शुक्रवारी येत असल्यामुळे गणपती बाप्पासोबत देवीचे पूजन करणे लाभदायक ठरू शकेल, असे सांगितले जात आहे. 

पाहा, संकष्ट चतुर्थी व्रताचरणाची सोपी पद्धत

संकष्ट चतुर्थीच्या दिवशी सकाळी लवकर उठून स्नानादी कार्य उरकून घ्यावीत. दिवसभर उपवास करावा. गणपती बाप्पाची षोडशोपचार पूजा करावी. शुद्ध पाण्याने गणपतीला अभिषेक करावा. अभिषेक करते वेळी अथर्वशीर्ष पाठ असल्यास २१ वेळा आवर्तन करावे, अन्यथा 'ॐ गं गणपतये नम:' या मंत्राचा १०८ वेळा जप करावा. धूप, दीप, नेवैद्य अर्पण करून बाप्पाचे नामस्मरण करावे. प्रसाद ग्रहण करावा आणि त्याचे वाटप करावे. यानंतर रात्री आपापल्या ठिकाणची स्थानिक चंद्रोदयाची वेळ पाहावी. धूप, दीप लावून बाप्पाला नैवेद्य दाखवावा. चंद्रदर्शन घेऊन चंद्राला अर्घ्य  द्यावे आणि गणपतीची आरती म्हणून जास्वंदाची फुले आणि दूर्वा वाहून उपवास सोडावा. या दिवशी गणपती बाप्पाची स्तोत्रे म्हणावीत. स्तोत्र पाठ नसतील तर 'नमो भगवते गजाननाय' या मंत्राचा जप करावा. संकष्ट चतुर्थीची कथा वाचावी, असे सांगितले जाते. 

विविध शहरांतील चंद्रोदय वेळ

शहरांची नावेचंद्रोदयाची वेळ
मुंबईरात्रौ ०९ वाजून २५ मिनिटे
ठाणेरात्रौ ०९ वाजून २४ मिनिटे
पुणेरात्रौ ०९ वाजून २१ मिनिटे
रत्नागिरीरात्रौ ०९ वाजून २५ मिनिटे
कोल्हापूररात्रौ ०९ वाजून २१ मिनिट
सातारारात्रौ ०९ वाजून २१ मिनिटे
नाशिकरात्रौ ०९ वाजून २० मिनिटे
अहमदनगररात्रौ ०९ वाजून १७ मिनिटे
धुळेरात्रौ ०९ वाजून १५ मिनिटे
जळगावरात्रौ ०९ वाजून १२ मिनिट
वर्धारात्रौ ०८ वाजून ५९ मिनिटे
यवतमाळरात्रौ ०९ वाजून ०२ मिनिटे
बीडरात्रौ ०९ वाजून १३ मिनिटे
सांगलीरात्रौ ०९ वाजून २० मिनिटे
सावंतवाडीरात्रौ ०९ वाजून २४ मिनिटे
सोलापूररात्रौ ०९ वाजून १३ मिनिटे
नागपूररात्रौ ०८ वाजून ५७ मिनिटे
अमरावतीरात्रौ ०९ वाजून ०३ मिनिटे
अकोलारात्रौ ०९ वाजून ०६ मिनिटे
औरंगाबादरात्रौ ०९ वाजून १४ मिनिटे
भुसावळरात्रौ ०९ वाजता ११ मिनिटे
परभणीरात्रौ ०९ वाजून ०८ मिनिटे
नांदेडरात्रौ ०९ वाजून ०६ मिनिटे
उस्मानाबादरात्रौ ०९ वाजून १२ मिनिटे
भंडारारात्रौ ०८ वाजून ५५ मिनिटे
चंद्रपूररात्रौ ०८ वाजून ५७ मिनिटे
बुलढाणारात्रौ ०९ वाजून १० मिनिटे
मालवणरात्रौ ०९ वाजून २५ मिनिटे
पणजीरात्रौ ०९ वाजून २४ मिनिटे
बेळगावरात्रौ ०९ वाजून २१ मिनिटे 
इंदौररात्रौ ०९ वाजून ०९ मिनिटे
ग्वाल्हेररात्रौ ०८ वाजून ५६ मिनिटे

 

Web Title: paush sankashti chaturthi january 2022 date vrat puja vidhi shubh muhurat and chandrodaya timing in various cities in marathi

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.

Open in app