Lucky Signs: तुमच्या तळपायावर 'ही' शुभ चिन्ह आहेत का तपासून घ्या आणि त्यामुळे होणारे लाभ जाणून घ्या!

Lucky Signs: तुमचे हातच नाही तर पायही तुमचे भविष्य वर्तवतात, कसे ते सविस्तर जाणून घ्या!

तळ पायावरून भाकीत हे वाचल्याबरोबर तुम्हाला चटकन 'हम दिल दे चुके सनम' चित्रपटातला ऐश्वर्या आणि सलमानचा रोमँटिक सिन आठवला असेल ना? पण हे शास्त्र खरोखरच अस्तित्वात असून अनेक अभ्यासक तळपायावरील रेषांवरून आपले भाकीत सांगतात. आपल्या पाऊलखुणा आपल्या आयुष्यातले चढ उतार तसेच श्रीमंती गरिबीचे योग दर्शवतात. 

ज्याप्रमाणे हाताच्या रेषा भविष्याबद्दल आणि व्यक्तिमत्वाबद्दल माहिती देतात, त्याचप्रमाणे पाय आणि कपाळावरील रेषा देखील अनेक रहस्ये प्रकट करतात. समुद्र शास्त्रामध्ये कपाळ आणि पायाच्या रेषा, शरीराच्या विविध भागांचा पोत, तीळ, खुणा इत्यादींद्वारे व्यक्तीबद्दल जाणून घेण्याच्या पद्धती सांगण्यात आल्या आहेत. समुद्र शास्त्रानुसार पायात काही खुणा आणि रेषा खूप शुभ असतात. या चिन्ह-रेषा व्यक्तीला अपार धन आणि संपत्ती मिळवून देतात. यासोबतच ते करिअरमध्ये आणि समाजात उच्च स्थान मिळवून देतात.

तळ पायावरील शुभचिन्ह :

>> पायाच्या मध्यापासून मधल्या बोटापर्यंत एखादी रेषा गेली तर अशा लोकांना जीवनात सर्व सुख-सुविधा मिळतात. त्यांना भरपूर संपत्ती आणि आनंदी कौटुंबिक जीवन मिळते. ते त्यांच्या आयुष्याचा मोठा भाग ऐषोरामात घालवतात.

>> ज्या व्यक्तीच्या पायात शंख, चक्र, मासे, कमळाचे फूल असे चिन्ह असतात, ती व्यक्ती खूप भाग्यवान असते. तिला समाजात, शासनात किंवा धार्मिक-आध्यात्मिक जीवनात मोठे स्थान प्राप्त होते. ती व्यक्ती खूप श्रीमंत होते आणि मान सन्मानाची धनी बनते. 

>> जर एखाद्या व्यक्तीच्या पायावर छत्र, चक्र, ध्वज, स्वस्तिक, कुंडल, रथ यासारखे शुभ चिन्ह असतील तर त्याला राजासारखे जीवन प्राप्त होते. ते देशात आणि जगात प्रसिद्ध होतात आणि काही महत्त्वाचे पद भूषवतात. समुद्रशास्त्रानुसार अशी व्यक्ती सम्राट बनते. त्यांना पंतप्रधानपद मिळते, असे म्हणता येईल.

>> जर व्यक्तीच्या पायाच्या अंगठ्याजवळ उभी रेषा असेल तर ती व्यक्ती विवाहाच्या बाबतीत खूप भाग्यवान असते. तिचे लवकरच लग्न होते आणि तिला खूप प्रेमळ जोडीदार मिळतो.

>> मात्र हीच शुभ चिन्ह व्यक्तीच्या उजव्या पायात दिसत असतील तर त्या व्यक्तीला कोणतेही उच्च पद प्राप्त होत नाही, परंतु त्यांचे आयुष्य राजांप्रमाणे संपत्ती आणि वैभवात व्यतीत होते. सहसा अशा लोकांना वारसाहक्कात भरपूर संपत्ती आणि संपत्ती मिळते.

>> वरीलपैकी कोणतेही चिन्ह, खूण आपल्या पायात दिसत नसेल, तर आपले भाग्य आपल्याला घडवायचे आहे हे लक्षात घ्या आणि हाताचा आणि पायाचा पुरेपूर वापर करून स्वतःचे भविष्य उज्ज्वल करण्यावर भर द्या!