सोशल मीडियावर प्रेमानंद महाराजांचे रिल्स मोठ्या प्रमाणात ऐकले जातात, शेअर होतात. अनेक तरुण त्यांना फॉलो करतात. विराट कोहली आणि अनुष्का शर्मा त्यांच्या भेटीला गेल्यापासून त्यांचे नाव कायम चर्चेत असते. सेलिब्रेटी गुरु अशी त्यांची प्रतिमा तयार झाली आहे. भोळा भाव, निरागस हास्य आणि संसाराला पूरक असे सोप्या शब्दात सांगितलेले अध्यात्म हे त्यांच्या व्यक्तिमत्त्वाची वैशिष्ट्य आहेत. त्यांना ऐकायला लोक दूरदूरहून जातात, भेटतात, आशीर्वाद घेतात.
Ashadhi Ekadashi 2025: तुकाराम महाराजांना बाप्पाच्या मूर्तीत दिसले पांडुरंगाचे रूप; तेव्हा...
आषाढी एकादशी(Ashadhi Ekadashi 2025) निमित्त पंढरपूरच्या दिशेने निघालेले वारकरी यांनीही महाराजांची भेट घेतली आणि आपला अध्यात्मिक अनुभव महाराजांसमोर कथन केला. प्रेमानंद महाराज त्यांचं बोलणं शांतपणे ऐकत होते. डोईवर विठ्ठल रखुमाईची प्रतिमा घेऊन आलेले एक वयोवृद्ध वारकरी म्हणाले, ''आमचा विठू आणि तुमचा कृष्ण एकच! माउली म्हणतात,
'वृंदावनी आनंदु रे, विठ्ठलु देवो आळविती रे!'
गोपिका ज्याप्रमाणे कृष्णाभोवती फेर धरतात, त्याप्रमाणे आम्ही विठ्ठलाभोवती फेर धरतो. वृंदावनातला कृष्ण आणि पंढरपूरचा विठ्ठल हे एकच आहेत. ते दोघे एकरूप आहेत आणि एक आत्मा आहेत.
Ashadhi Ekadashi 2025: नेहमी हाती शस्त्र असणारे विष्णु पांडुरंग रूपात नि:शस्त्र का?
त्या ज्येष्ठ व्यक्तीच्या वाणीने भारावलेले प्रेमानंद महाराज सद्गतीत झाले आणि त्यांनीही या विधानाला दुजोरा दिला. शिवाय वारकऱ्यांच्या भेटीने आपण संतुष्ट झालो असेही महाराज म्हणाले.
भगवंताला अपेक्षित असलेला हाच तो अद्वैत भाव आणि हीच परस्परांप्रती असलेली मैत्री कायम राहो. संतमंडळींचा आपल्याला कायम सहवास लाभो, हेच या सदिच्छा भेटीचे सार म्हणता येईल. पहा त्यांचा व्हिडीओ....