रस्त्यावर पडलेल्या खड्ड्यांत लावली झाडे

अंबाजोगाई : शहर व परिसरात रस्त्यावर मोठमोठे खड्डे पडले आहेत. याचा मोठा त्रास रहदारीस होत आहे. रस्त्यावरील खड्डे बुजविण्याची विनंती वारंवार प्रशासनास करूनही याकडे दुर्लक्ष होत आहे. या कामाकडे प्रशासनाचे लक्ष वेधण्यासाठी मनसेने रस्त्यावर पडलेल्या खड्ड्यांत रविवारी बेशरमाची झाडे लावून गांधीगिरी करीत प्रशासनाचा निषेध केला.

अंबाजोगाई शहरातील तथागत चौक ते पोखरी रस्ता दुरुस्त करण्यात यावा, या प्रमुख मागणीसाठी बांधकाम विभागाकडे वारंवार पाठपुरावा केला. तरीही प्रशासन दखल घेत नसल्याने मनसेने रविवारी पोखरी रस्त्यावर पडलेल्या खड्ड्यात बेशरमीची झाडे लावून लोकांच्या होत असलेल्या हालअपेष्टांकडे दुर्लक्ष करणाऱ्या प्रशासनाचा निषेध नोंदवण्यात आला. सदरील रस्ता तत्काळ दुरुस्त न केल्यास तीव्र आंदोलन करण्यात येईल, असा इशारा प्रशासनाला दिला.

यावेळी मनसे उपजिल्हाध्यक्ष सुनील जगताप, शहराध्यक्ष बालाजी धायगुडे, विद्यार्थी सेना तालुकाध्यक्ष नितीन परदेशी, ओमकार चव्हाण, सचिन सुरवसे, अमोल चव्हाण, लक्ष्मण शिंदे, नितीश शिराळे आदी मनसेचे कार्यकर्ते उपस्थित होते.

040721\avinash mudegaonkar_img-20210703-wa0096_14.jpg

माजलगाव येथे मनसेने रस्त्यावर पडलेल्या खड्ड्यात झाडे लावून गांधीगिरी केली.