पावसाळ्यापूर्वी नाला सफाई सुरू

शिरूर कासार : अवघ्या काही दिवसावर पावसाळा येऊन ठेपला आहे. शहरातील नाल्याचे पाणी रस्त्यावर येऊ नये व त्याची दुर्गंधी त्रासाला कारणीभूत ठरू नये म्हणून पाऊस सुरू होण्यापूर्वीच नगरपंचायतकडून शहरातील नाल्या मोकळ्या केल्या जात आहेत. जिजामाता चौक ते मोंढा भागातील नाल्याची ही सफाई करण्याची मागणी होत आहे.

शिरूर सिंदफना रस्ता कामाला गतीची गरज

शिरूर कासार : शिरूर ,सिंदफना, नांदूर या रस्ता कामाची मागणी झाल्यानंतर सुरूवात झाली परंतु या कामाची गती वाढवण्याची खरी गरज आहे. अन्यथा पावसाळा सुरू होताच खड्डे पाण्याने भरतील आणि त्रासाला कारणीभूत ठरतील. त्यासाठी संबंधित विभागाने कामाचा वेग वाढवावा अशी मागणी केली आहे.

हार तुऱ्याचा तोरा झाला कमी

शिरूर कासार : गेल्या वर्षभरापासून कोरोनाने वेठीस धरले ,अनेक व्यवसाय मोडकळीस आले,नोकऱ्या ,धंद्यावर गदा आली शिवाय मोठं मोठी धार्मिक , सामाजिक ,राजकीय कार्यक्रम आता फारसे होत नसल्याने स्वागतासाठी हार, पुष्पगुच्छ देण्याची पद्धती बंद पडल्यागत झाली या सर्वांचा सर्वाधिक फटका पुष्प वाटिक व फुल विक्रेत्यांना बसला असून शहरात असलेले फुलांच्या हाराची दुकाने बंद पडली गेली असल्याने फुल उत्पादक शेतकरी व विक्रेत्यांना मोठा फटका बसला आहे .

जारच्या पाण्याला पसंती, धंदा तेजीत

शिरूर कासार : तालुक्याचे ठिकाण असूनही पिण्याच्या पाण्याबाबत आणखी ही नागरिकांना जार व फिल्टर पाणी विकत घ्यावे लागते. नगरपंचायतकडील मिळणारे पाणी पिण्याचे धाडस कुणीच करत नसल्याने जार फिल्टर पाण्याला मागणी वाढली असून पाण्याचा धंदा जोरात सुरू आहे.

मोकाट वळूचा धुडगूस

शिरूर कासार : तालुक्यातील खालापुरी येथे काही दिवसांपासून एका मोकाट वळूचा धुडगूस सुरू असून अन्य जनावरांना तो धडकी मारतो. शिवाय तो बेफाम धावत असल्याने महिला व लहान मुलांमध्ये त्याची भीती निर्माण झाली आहे. अनुचित घटना घडण्यापूर्वी त्याचा बंदोबस्त व्हावा अशी मागणी ग्रामस्थांकडून केली जात आहे .

फोटो

===Photopath===

290521\vijaykumar gadekar_img-20210528-wa0029_14.jpg