बाजारपेठेत सॅनिटायझर फवारणी करा

-------------------

रस्त्याच्या रुंदीकरणाची मागणी

अंबाजोगाई : तालुक्यातील काही गावांची लोकसंख्या झपाट्याने वाढली आहे. त्या तुलनेत रस्ते अरुंद असल्याने अपघाताची शक्यता आहे. लॉकडाऊन असल्याने रस्ते ओसाड पडले होते. आता लॉकडाऊन शिथिल झाले आहे. त्यामुळे रुंदीकरण करण्यासाठी बांधकाम विभागाने प्रस्ताव करुन कामाला सुरुवात करण्याची मागणी आहे.

-------------------------

लहान व्यवसायातून उदरनिर्वाह सुरू

अंबाजोगाई : कोरोनाच्या पार्श्वभूमीवर अनेकांना रोजगार गमवावा लागला. यातूनही काही जणांनी मार्ग काढला असून कमी पैशामध्ये सुरू होणारा व्यवसाय सुरू करून काहींनी उदरनिर्वाहाचा प्रश्न सोडविण्याचा प्रयत्न केला. त्यामुळे मागील काही दिवसात शहरात भाजीपाला तसेच अन्य व्यावसायिकांची संख्या मोठ्या प्रमाणात वाढल्याचे चित्र दिसून येत आहेत.

--------------------------

रस्त्यांची दुरुस्ती करण्याची मागणी

अंबाजोगाई : तालुक्यातील अनेक गावातील रस्त्यांची दुरवस्था झाली आहे. यामुळे प्रवास करताना विविध अडचणी येतात. याकडे लक्ष देऊन रस्त्यांची दुरुस्ती करण्याची मागणी केली जात आहे. सध्या पावसाळ्याचे दिवस असल्यामुळे रस्त्यावरील खड्ड्यात पाणी साचत असून अपघाताची शक्यता आहे.

-----------------------

एटीएममध्ये पैशाचा ठणठणाट

अंबाजोगाई : शहरातील बऱ्याच बँकांचे एटीएम बंद असल्याने नागरिकांची आर्थिक कोंडी होत आहे. नागरिकांना आर्थिक गरजा भागविण्यासाठी पैशाची गरज आहे. परंतु, राष्ट्रीयीकृत बँकांच्या एटीएममध्ये अनेकवेळा पैसेच नसल्याची स्थिती आहे. त्यामुळे बँक प्रशासनाने एटीएममध्ये पैशाची व्यवस्था करण्याची मागणी ग्राहकांनी केली आहे.