मराठा आरक्षणासंदर्भात विधिमंडळात भूमिका मांडा - A

अंबाजोगाई : मराठा आरक्षणासंदर्भात महाराष्ट्र राज्य विधिमंडळात भूमिका मांडा याबाबत केज विधानसभा मतदारसंघाच्या आमदार नमिता मुंदडा यांना संभाजी ब्रिगेडने ३ जुलै रोजी निवेदन दिले.

संभाजी ब्रिगेडच्या माध्यमातून मराठा ओबीसीकरणाचा लढा मागील तीस वर्षांपासून लढत आहे. त्या अनुषंगाने संभाजी ब्रिगेडच्या वतीने महाराष्ट्रात संभाजी ब्रिगेडचे प्रदेशाध्यक्ष मनोज आखरे, सौरभ खेडेकर, कोषाध्यक्ष संतोष गाजरे, डॉ. बालाजी जाधव, प्रा. सुदर्शन तारख, अतुल गायकवाड, शशिकांत कन्हेरे, संभाजी ब्रिगेडचे विभागीय अध्यक्ष ॲड. राहुल वायकर यांच्या आदेशानुसार लोकप्रतिनिधींकडे त्यांची बाजू मांडत आहेत. बीड पूर्वचे जिल्हाध्यक्ष प्रवीण ठोंबरे यांच्या नेतृत्वाखाली शनिवारी संभाजी ब्रिगेडच्या वतीने आमदार नमिता मुंदडा यांना अंबाजोगाई येथे निवेदन देण्यात आले.

निवेदन देताना जिल्हाध्यक्ष प्रवीण ठोंबरे, रणजित डांगे, नारायणराव मुळे, विलास गुंठाळ, प्रा. सुहास माने, जिल्हा उपाध्यक्ष गोपाळ काटे, संभाजी घोरपडे, कैलास चाळक, प्रा. राम ढोबळे, रामराजे गलांडे, गजानन आंबाड, ॲड. सूरज शिंदे, अभिषेक भिसे, केशव टेहरे, नानासाहेब धुमाळ, अंगद गायकवाड, महावीर पटेकर, सूरज सोळंके, दत्तात्रय फपाळ आदींसह कार्यकर्त्यांची उपस्थिती होती.

केज विधानसभा मतदारसंघाची लोकप्रतिनिधी म्हणून आरक्षण प्रश्नावर मी मराठा समाजबांधवांसोबत आहे. मराठा समाजाला आरक्षण मिळावे ही भारतीय जनता पक्षाची व आमची ही भूमिका आहे. मराठा समाजाला आरक्षणाचा हक्क मिळवून देण्यासाठी महाराष्ट्र विधान मंडळात मी निश्चितपणे भूमिका मांडून यापुढेही पाठपुरावा करणार आहे.

-आ. नमिता मुंदडा, केज