रोटरी क्लब ऑफ माजलगाव सेंट्रलतर्फे वृक्षारोपण

मागील दोन ते तीन वर्षांपासून पावसाचे प्रमाण चांगले असल्याने रस्त्यालगत व सार्वजनिक ठिकाणी मोकळ्या मैदानात मोठ्या प्रमाणात वृक्षारोपण करण्यास वाव आहे. त्यादृष्टीने मागील पाच वर्षांपासून रोटरी क्लब ऑफ माजलगाव सेंट्रलच्या वतीने माजलगाव शहर परिसर व वॉटर कप स्पर्धेतील गावांमध्ये वृक्षारोपण करण्यात आले आहे. सामाजिक दायित्त्वाच्या भावनेतून व पर्यावरण संतुलनाचा एक भाग म्हणून रोटरी क्लब ऑफ माजलगाव सेंट्रलने यावर्षीदेखील माजलगाव शहरातील बसस्थानक तसेच मंदिर परिसरात मोठ्या प्रमाणात वृक्षारोपण करण्याचा संकल्प केला आहे. ही मोहीम सुरूच राहणार असल्याचे पदाधिकाऱ्यांनी सांगितले.

------

रोटरी क्लब, माजलगाव सेंट्रलने वड, पिंपळ, सिसम, जांभूळ, सप्तपर्णी आदी प्रजातींच्या ५१ रोपांची देवी मंदिर परिसरात लागवड केली आहे. या रोपांच्या संरक्षणासाठी लगेचच लोखंडी ट्रीगार्डही बसवले आहेत. झाडे लावणे सोपे असले तरी ते जगविणे अवघड असल्याने वृक्ष संगोपन करण्याची हमी परिसरातील रहिवाशांनी घेतली आहे. त्याचबरोबर तिथे ठिबक सिंचनाचीदेखील व्यवस्था करण्यात येणार आहे. त्यासाठी गणपतराव वायबसे यांनी ठिबक संच उपलब्ध करून दिला आहे.

-------

260721\26bed_2_26072021_14.jpg