Beed News | Latest Beed News in Marathi | Beed Local News Updates | ताज्यबातम्या बीड | बीड समाचार | Beed Newspaper

बीड/केज : मस्साजोगचे सरपंच संतोष देशमुख यांना मारहाण करतानाचे आणि अंगावर शहारे आणणारे काही कथित फोटो सोमवारी सोशल मीडियावर व्हायरल झाले. त्यानंतर मराठा आंदोलक मनोज जरांगे पाटील यांनी मंगळवारी सकाळीच मस्साजोगला जाऊन देशमुख कुटुंबाची भेट घेतली. यावेळी संतोष देशमुख यांचे बंधू धनंजय यांना जरांगे पाटील पाहताच अश्रू अनावर झाले. जवळ येताच गळ्यात पडून ते धायमोकलून रडले. आई रोज पाहतेय... तिच्याकडे जायची हिंमत होत नाहीये.. असे म्हणत त्यांनी आपल्या भावनांना वाट मोकळी करून दिली, तसेच आता आरोपींना फाशीच व्हायला हवी, तेव्हाच न्याय मिळेल, अशी अपेक्षाही धनंजय यांनी व्यक्त केली.धनंजय मुंडेंना सहआरोपी करासरपंच संतोष देशमुख हत्या प्रकरणात धनंजय मुंडेंवर खुनाचा गुन्हा नोंद करण्यात येऊन त्यांची आमदारकीसुद्धा रद्द करावी. या प्रकरणाचा पुरवणी तपास करण्यात यावा व यात धनंजय मुंडेंना सहआरोपी करावे.- मनोज जरांगे पाटील, मराठा आंदोलकमदत करणाऱ्यांना सहआरोपी कराया घटनेतील सर्व मारेकऱ्यांसह त्यांना प्रत्यक्ष, अप्रत्यक्ष मदत करणाऱ्या सर्वांना सहआरोपी करून त्यांना पण फाशीची शिक्षा झालीच पाहिजे. या घटनेत पोलिस यंत्रणा, प्रशासन दोषी आहे. ज्यांनी कोणी तपासात अडथळे आणले, पळून जायला मदत केली, त्या सर्वांचा सहआरोपीत समावेश करावा. पोलिस यंत्रणेकडे हे फोटो अडीच महिन्यांपूर्वी आले आहेत. त्याचवेळी हे उघड झाले असते तर धनंजय मुंडेंना राजीनामा द्यायला वेळ लागला नसता. त्यांना कोणी अभय दिले. हेही पाहिले पाहिजे.- बजरंग सोनवणे, खासदार, बीडपोलिसांनाही शिक्षा व्हावीदोन वर्षांपासून यातील आरोपीविरुद्ध गंभीर स्वरूपाचे गुन्हे दाखल असताना पोलिसांच्या नाकावर टिच्चून हे आरोपी राजरोस पोलिसांसोबत फिरत होते. अवादा कंपनीच्या सुरक्षा रक्षकाला मारहाण केली त्याचवेळी या आरोपींच्या मुसक्या आवळल्या असत्या तर ही घटना घडतच नव्हती. पोलिसांनी आरोपीचे लोकेशन तत्काळ घेतले असते तरी आरोपी लवकर सापडले असते. माझ्या भावाचा जीव वाचला असता. पोलिसांच्या अक्षम्य हयगयीमुळेच ही घटना घडली असून, त्यांनाही याची शिक्षा झाली पाहिजे. भावाला जसे तडफडून मारले, तसेच या सर्वांना फाशीचीच शिक्षा व्हावी ही आपली इच्छा आहे.- धनंजय देशमुख, संतोष देशमुख यांचे भाऊ

Beed (Marathi News)

Satish Bhosale Suresh Dhas: भाजपचा पदाधिकारी असलेल्या सतीश भोसले याचा एक व्हिडीओ समोर आल्यानंतर सुरेश धस वादात सापडले आहेत. ...

Sanjay Shirsat Krushna Andhale: वाल्मीक कराड हत्या प्रकरणातील आठवा आरोपी कृष्णा आंधळेचा तीन महिने होत आले तरी पत्ता लागलेला नाही. ...

बीडमधल्या मारहाणीचा व्हिडीओ व्हायरल झाल्यानंतर सुरेश धस यांनी त्यावर प्रतिक्रिया दिली आहे. ...

२९ नोव्हेंबरला तक्रार न दिल्याने ६ डिसेंबरचा गोंधळ; पुरावा चाटेने केला नष्ट ...

वडवणीत केवळ अग्निशमन गाडी असून प्रशिक्षित कर्मचारीच नाहीत ...

संतोष देशमुख यांच्या हत्या प्रकरणामुळे युवकाने घेतले टोकाचे पाऊल ...

Maharashtra Politics : धनंजय मुंडे यांना आमदारकीपासून दूर ठेवण्याची मागणी मनोज जरांगे पाटील यांनी केली आहे. ...

भावाला जसे तडफडून मारले, तसेच या सर्वांना फाशीचीच शिक्षा व्हावी; फोटो व्हायरलनंतर धनंजय देशमुख धायमोकलून रडले ...