Beed News | Latest Beed News in Marathi | Beed Local News Updates | ताज्यबातम्या बीड | बीड समाचार | Beed Newspaper

केज (जि. बीड ) : मांजरा नदीला माेठा पूर आल्याने केज आणि कळंब तालुक्याच्या सीमेवरील फक्राबाद येथील बंधाऱ्याच्या दाेन्ही बाजूने रस्ता वाहून गेला. त्यामुळे रविवारी सकाळपासून बीड व धाराशिव जिल्ह्याची वाहतूक ठप्प झाली आहे.तीन दिवसांपासून मांजरा जलाशयाच्या वरील भागातील पाणलोट क्षेत्रातील पाटोदा, चौसाळा व नांदुरघाट परिसरात झालेल्या जोरदार पावसामुळे मांजरा नदीला मोठा पूर आला. नदी दुथडी भरून वाहू लागली आहे. या पुरात मोठमोठी झाडे, झुडपे वाहून आल्यामुळे बीड आणि धाराशिव जिल्ह्यातील कळंब व केज तालुक्याच्या सीमेवर आसलेल्या फक्राबाद येथील कोल्हापुरी बंधाऱ्याच्या दोन्हीही बाजूचा रस्ता खचला. त्यामुळे डोकेवाडी, गिरवली, जानकापूर, पारगाव, हिंगणी (बु.), हिंगणी (खुर्द), फक्राबाद, लाखनगाव, पारा, डोंगरेवाडी, सात्रा, खोंदला व भोपला असे एकूण १३ कोल्हापुरी बंधारे ओव्हरफ्लो झाले. संगमेश्वर मध्यम प्रकल्पाच्या सांडव्यावरून पाणी वाहत असल्याची माहिती मांजरा जलाशयाचे सहायक अभियंता सूरज निकम यांनी ‘लोकमत’ला दिली.मांजरा जलाशयात ३१.०८ टक्के पाणीसाठामांजरा जलाशयात रविवारी सायंकाळी ६ वाजण्याच्या नोंदीनुसार ३१.०८ टक्के पाणीसाठा उपलब्ध असल्याची माहिती मांजराचे विकास ठोंबरे यांनी ‘लोकमत’शी बोलताना दिली. रविवारी सकाळी आठ वाजेच्या दरम्यान रस्ता वाहून गेल्यामुळे बीड जिल्ह्यातील केज आणि धाराशिव जिल्ह्यातील कळंब तालुक्याच्या सीमेवरून होणारी वाहतूक व दळणवळण सकाळपासून ठप्प झाल्याची माहिती फक्राबादचे माजी सरपंच दिनकर मोराळे यांनी ‘लोकमत’शी बोलताना दिली.

Beed (Marathi News)

परळी ग्रामीण पोलीस मृताची ओळख पटविण्याचे काम करत आहेत ...

गजकेसरी स्टील कंपनीतील स्फोटातील मृतांची संख्या पाचवर ...

ऑक्टोबरमध्ये येणार ७४ ई-बस : ६ आगारांमध्ये चार्जिंग स्टेशनच्या कामाला ‘स्पीड’ ...

सर्व विभागांमध्ये समन्वय साधून राज्यात संसर्गजन्य आजारांवर प्रतिबंध आणि नियंत्रण ठेवण्यास मदत होणार आहे. ...

केज तालुक्यातील वरपगाव शिवारात पोलीसांचा छापा ...