मास्कमुळे त्वचेला सुटतेय खाज!

लोकमत न्यूज नेटवर्क

बीड : वारंवार मास्क वापरल्याने काही लोकांना खाज सुटत असल्याच्या तक्रारी प्राप्त होत आहेत, परंतु अशा लोकांची संख्या खूपच कमी आहे. ओला मास्क वापरल्यास अशा प्रकारची लक्षणे जाणवत आहेत. त्यामुळे प्रत्येकाने कोरडा स्वच्छ मास्क वापरल्यास त्वचेसंदर्भात कसलीही लक्षणे आढळणार नाहीत, असा दावा आरोग्य विभागाने केला आहे.

मास्क आवश्यकच, पण असे करा त्वचेचे रक्षण...!

कोरोना या संसर्गजन्य आजारापासून संरक्षण मिळविण्यासाठी मास्क हा एकमेव पर्याय असून, सर्वांनी वापर करावा.

मास्क वापरताना तो ओलसर व भिजलेला असू नये, याची काळजी घ्यावी. प्रत्येक वेळी कोरडा मास्क वापरावा.

नाकाला इजा होतेय, खाज सुटतेय, ॲलर्जी होतेय, अशा तक्रारी असल्यास, तत्काळ तज्ज्ञांचा सल्ला घ्यावा.

सॅनिटायझरपेक्षा साबण बरा

n हात धुणे सर्वात महत्त्वाचे आहे. ज्या ठिकाणी साबण आहे, अशा ठिकाणी साबणाचाच वापर करावा. ज्या ठिकाणी साबण नाही, त्या ठिकाणी सॅनिटायझर आवश्यक आहे.

n वारंवार सॅनिटायझर लावल्याने त्रास होत असल्यास साबणानेच हात धुवावेत.

खूप कमी तक्रारी

मास्क वापरल्याने चेहऱ्याला खाज सुटणे, सॅनिटायझरमुळे हाताला त्रास होणे, अशा प्रकारच्या तक्रारी क्वचितच आहेत. त्यामुळे मास्क हा कोरडा व स्वच्छ वापरावा. ज्या ठिकाणी साबण नाही, अशा ठिकाणी सॅनिटायझरचा वापर करावा. याकडे दुर्लक्ष केल्यास कोरोनाला निमंत्रण मिळू शकते.

- डॉ.आय.व्ही.शिंदे, त्वचारोग तज्ज्ञ

250721\25_2_bed_1_25072021_14.jpeg

डॉ.आय.व्ही.शिंदे